బాలీవుడ్ అంతా డ్రగ్స్ కంపు కొడుతోందని, ఇండస్ట్రీ లోని కొందరు పెద్దలు అమ్మాయిలను మోసం చేస్తూ లైంగికంగా దోచుకుంటున్నారని గత కొన్ని రోజులుగా చాలామంది నటీనటులు ఓపెన్ అవుతున్న సంగతి తెలిసిందే. సుశాంత్ సింగ్ ఆత్మహత్య తర్వాత ఈ ఆరోపణలు మరీ ఎక్కువయ్యాయి. ఈ నేపథ్యంలోనే తాజాగా హీరోయిన్ మహేష్ భట్పై సంచలన ఆరోపణలు చేస్తూ వీడియో పోస్ట్ చేసింది. మహేష్ భట్ నిజ స్వరూపం ఇదీ అంటూ ఆయనపై సెన్సేషనల్ కామెంట్స్ చేయడం చర్చనీయాంశంగా మారింది. తాను మహేష్ భట్ బంధువు సుమిత్ సభర్వాల్ను వివాహం చేసుకొన్నానని.. అయితే ఆ తర్వాత ఆయన డ్రగ్స్, అమ్మాయిలను ప్రముఖులకు సప్లై చేస్తారనే విషయం తెలిసి విడాకులు ఇవ్వడానికి సిద్ధపడ్డానని లువియానా లోధ్ చెప్పింది. ఈ విషయాలన్నీ మహేశ్భట్కి తెలుసు కానీ సహాయం చేయలేదని తెలిపింది. సినీ పరిశ్రమకు మహేష్ భట్ ఓ పెద్ద డాన్ అని పేర్కొన్న ఆమె.. పరిశ్రమకు చెందిన ప్రతిదీ ఆయన చేతుల్లోనే ఉంటుందని, ఆయన ఎంతో మంది జీవితాలను నాశనం చేశారని తెలుపుతూ ఆవేదన చెందింది. Also Read: ఎవ్వరైనా సరే ఒకవేళ మహేష్ భట్ చెప్పినట్లు వినకపోతే ఎదుటివారి జీవితాలతో ఆడుకుంటారని, ఆయనది చాలా దారుణమైన క్యారెక్టర్ అని లువియానా లోధ్ చెప్పుకొచ్చింది. ఎవరైనా ఆయనకు వ్యతిరేకంగా ఉంటే ఒక్క ఫోన్ కాల్ చేస్తే చాలూ వాళ్ల ఆఫర్లు ఫినిష్ అవుతాయని, ఇప్పుడు తనపై కూడా ఆయన కక్ష కట్టారని ఆమె ఆరోపణలు చేసింది. కొన్నాళ్లుగా తనపై దౌర్జన్యంగా వ్యవహరిస్తూ ఇంట్లో చొరబడి నన్ను ఇంట్లో నుంచి పంపించడానికి ప్రయత్నిస్తున్నాడని పేర్కొంది. అలాంటి పరిస్థితుల్లో ధైర్యాన్ని కూడగట్టుకొని పోలీస్ కేసు ఫైల్ చేశాను కానీ ఆయనపై ఎవ్వరూ చర్యలు తీసుకోవడం లేదంటూ ఆమె ఫైర్ అయింది. తనకు గానీ, తన ఫ్యామిలీకి గానీ ఏదైనా జరగరానిది జరిగితే దానికి కారణం మహేష్ భట్, సుమిత్ సబర్వాల్లే అని ఆమె చెప్పింది. మారోవైపు ఆమె చేసిన ఈ ఆరోపణలను మహేష్ భట్ తరపు న్యాయవాది ఖండించడంతో జనాల్లో ఈ ఇష్యూ హాట్ టాపిక్ అయింది. కజ్రారే సినిమా ద్వారా బాలీవుడ్లోకి అడుగుపెట్టిన లువియానా లోధ్.. కొన్ని తెలుగు, కన్నడ సినిమాల్లో కూడా నటించింది.
from Telugu Movie News | Movie News in Telugu | Movie Gossips in Telugu https://ift.tt/34pqbbI
v
No comments:
Post a Comment