చిన్న హీరో పెద్ద సాయం.. వరద బాధితులకు అండగా రాంకీ

హైదరాబాద్‌ వరద బాధితుల‌కు తన వంతు సాయంగా హీరో, నిర్మాత రాంకీ తెలంగాణ ముఖ్యమంత్రి సహాయ నిధికి రూ. 5 ల‌క్షల‌ విరాళం అందజేసి తన మంచి మనసును చాటుకున్నారు. ఇటీవల‌ మంత్రి కేటీఆర్‌ను కలిసి స్వయంగా చెక్‌ను అందజేశారు. సినిమా ఇండస్ట్రీకి చెందిన వారు ఇలా స్వచ్ఛందంగా ముందుకొచ్చి విరాళాలు అందించడం హర్షించదగ్గ విషయం అంటూ ప్రశంసించారు కేటీఆర్‌. ‘గంగ పుత్రులు’ లాంటి మంచి చిత్రంలో హీరోగా నటించి నేషనల్‌ అవార్డు అందుకున్న రాంకీ.. వరద బాధితుల‌ కోసం తన వంతు సాయం చేయడం పట్ల ఆనందాన్ని వ్యక్తం చేశారు. అలాగే వరదల‌ వ‌ల్ల నిరాశ్రయులైన వారికి ఇటీవల‌ హైదరాబాద్‌లోని జగద్గిరిగుట్టలో నిత్యావసర వస్తువులు పంపిణీ చేశారు రాంకీ. చిన్న హీరో అయినప్పటికీ పెద్ద సాయం చేసి మనసున్న మనిషి అనిపించుకుంటున్నారాయన. సినీ పరిశ్రమ నుంచి ఇప్పటికే స్టార్ హీరోలు, దర్శకులు, నిర్మాతలు విరాళాలు ప్రకటించిన సంగతి తెలిసిందే. అందరికంటే అత్యధికంగా రెబల్ స్టార్ ప్రభాస్ ఒక కోటి 50 లక్షల రూపాయలు సీఎం రిలీఫ్ ఫండ్‌కు ఇచ్చారు. అలాగే మెగాస్టార్ చిరంజీవి, సూపర్ స్టార్ మహేష్ బాబు చెరో కోటి రూపాయల సాయం ప్రకటించారు. ఇక ఎన్టీఆర్ రూ. 50 లక్షలు, నాగార్జున రూ. 50 లక్షలు, రామ్ రూ.25 లక్షలు, విజయ్ దేవరకొండ రూ.10 లక్షలు, రవితేజ రూ.10 లక్షలు, డైరెక్టర్ త్రివిక్రమ్-నిర్మాత ఎస్.రాధాకృష్ణ సంయుక్తంగా రూ. 10 లక్షలు, డైరెక్టర్ హరీష్ శంకర్ రూ.5 లక్షలు, డైరెక్టర్ అనిల్ రావిపూడి రూ.5 లక్షలు, నిర్మాత బండ్ల గణేష్ రూ.5 లక్షలు, సంపూర్ణేష్ బాబు రూ.50 వేలు ఇచ్చారు. ఇటీవల రామ్ స్వయంగా కేటీఆర్‌ను కలిసి చెక్ అందజేశారు. Also Read:

from Telugu Movie News | Movie News in Telugu | Movie Gossips in Telugu https://ift.tt/2Hv0u0V
v