యువ కథానాయకుడు హీరోగా హసిత్ గోలి దర్శకత్వంలో రూపొందుతోన్న చిత్రం ‘రాజ రాజ చోర’. మేఘా ఆకాష్, సునయన హీరోయిన్లుగా నటిస్తున్నారు. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. లాక్డౌన్ కారణంగా సుమారు ఐదు నెలలపాటు ఆగిపోయిన ఈ చిత్ర షూటింగ్ బుధవారం తిరిగి ప్రారంభమైంది. షూటింగ్ ప్రారంభించటానికి ముందు స్వర్గీయ ఎస్.పి. బాలసుబ్రహ్మణ్యం గారికి నివాళులు అర్పించింది చిత్ర యూనిట్. ఎస్పీ బాలు ఆశీస్సులతో షూటింగ్ను పునః ప్రారంభించినట్లు తెలిపారు నిర్మాతలు. శ్రీవిష్ణు, హసిత్ గోలి వంటి ప్రతిభావంతులతో ఈ చిత్రాన్ని నిర్మించటం ఎంతో ఆనందంగా ఉందన్నారు. ఒక వినూత్నమైన కథతో రూపొందుతున్న చిత్రమిదని నిర్మాతలు టి.జి.విశ్వప్రసాద్, అభిషేక్ అగర్వాల్ తెలిపారు. కథానాయకుడు శ్రీవిష్ణు, కాదంబరికిరణ్, శ్రీకాంత్ అయ్యంగార్లు తొలి రోజు షూటింగ్లో పాల్గొన్నారు. ఈ సన్నివేశాల చిత్రీకరణ హైదరాబాద్లోని ఓ ప్రైవేట్ హౌస్లో జరిగింది. సినిమా మొత్తం పూర్తయ్యేవరకు రెగ్యులర్ షూటింగ్ జరుపుకుంటుంది అని తెలిపారు సహ నిర్మాత వివేక్ కూచి భొట్ల, క్రియేటివ్ ప్రొడ్యూసర్ కీర్తి చౌదరి. కాగా, ఈ చిత్రంలో ఇతర ప్రధాన పాత్రలలో తనికెళ్ళ భరణి, రవిబాబు, అజయ్ ఘోష్, వాసు ఇంటూరి నటిస్తున్నారు. ఈ చిత్రానికి ఛాయాగ్రహణం: వేదరామన్, సంగీతం: వివేక్ సాగర్, ఎడిటింగ్: విప్లవ్ నైషధం, ఆర్ట్: కిరణ్ కుమార్ మన్నె, స్టైలింగ్: శృతి కూరపాటి.
from Telugu Movie News | Movie News in Telugu | Movie Gossips in Telugu https://ift.tt/3nlZexj
v
No comments:
Post a Comment