విభిన్న కథాంశం `పీన‌ట్ డైమండ్` స్టార్ట్.. మునుపెన్నడూ చూడని డిఫరెంట్ స్టోరీ!

రాను రాను విభిన్న తరహా కథలకు డిమాండ్ పెరుగుతోంది. సగటు ప్రేక్షకుడు మునుపెన్నడూ చూడని డిఫరెంట్ స్టోరీ లైన్ ఉన్న సినిమా కోసం వెతుకుతున్నాడు. దీంతో కొన్ని చిన్న సినిమాలు సైతం స్టార్ హీరోల సినిమాలకు పోటీ ఇస్తూ బాక్సాఫీస్ వద్ద సూపర్ డూపర్ హిట్ అందుకుంటున్నాయి. ఈ నేపథ్యంలోనే విభిన్న‌మైన టైటిల్ `పీన‌ట్ డైమండ్` ఎంచుకొని ఓ డిఫరెంట్ స్టోరీతో ప్రేక్షకుల ముందుకు రాబోతున్నాడు నూతన దర్శకుడు . ఎఎస్‌పి మీడియా హౌస్, జివి ఐడియాస్ ప‌తాకాల‌పై ప్రొడ‌క్ష‌న్ నెం.1గా `పీన‌ట్ డైమండ్` సినిమా రూపొందుతోంది. అభిన‌వ్ స‌ర్ధార్‌, వెంక‌టేష్ త్రిప‌ర్ణ నిర్మాత‌లుగా వ్యవహరిస్తున్న ఈ చిత్రంలో అభిన‌వ్ స‌ర్ధార్‌, రామ్ కార్తిక్, చాందిని త‌మిళ్‌రాస‌న్‌, శాని సాల్మాన్‌‌ ప్ర‌ధాన పాత్ర‌ల‌లో న‌టిస్తున్నారు. క‌థ‌, మాట‌లు, స్క్రీన్ ప్లే, ద‌ర్శ‌క‌త్వం అన్నీ తానై చూసుకుంటున్నారు వెంక‌టేష్ త్రిప‌ర్ణ. `బెంగాల్ టైగ‌ర్` ఫేమ్ భీమ్స్ సిసిరోలియో అందిస్తున్న సంగీతం సినిమాలో మేజర్ అట్రాక్షన్ అని తెలుస్తోంది. Also Read: డిఫ‌రెంట్ సైన్స్ ఫిక్ష‌న్ యాక్ష‌న్ డ్రామాగా రూపొందనున్న ఈ మూవీ షూటింగ్ ప్రారంభించారు మేకర్స్. రెండు కాల‌మాణాల‌కు సంబంధించిన ఓ విభిన్న క‌థాంశంతో అన్నివ‌ర్గాల ప్రేక్షకులను థ్రిల్ చేసేలా ఈ మూవీ రూపొందిస్తున్నామని, 1989లో ఒక క‌థ‌ జ‌రుగుతూ ఉంటే దానికి ప్యార‌ల‌ల్‌గా 2020లో మ‌రోక క‌థ ర‌న్ అవుతుండటం ఆసక్తి రేకెత్తిస్తుందని నిర్మాత‌లు అభిన‌వ్ స‌ర్ధార్‌, వెంక‌టేష్ త్రిప‌ర్ణ తెలిపారు. ఆ రెండు క‌థ‌ల‌కి సంభందం ఏంటి? అనే టైటిల్ సీక్రెట్ ఏంటి? అనే విష‌యాలు ఆస‌క్తిక‌రంగా ఉంటాయని, ఖ‌చ్చితంగా ఆడియ‌న్స్‌కి ఒక మంచి అనుభూతినిచ్చే చిత్రంగా మా 'పీన‌ట్ డైమండ్' నిలుస్తుందని అన్నారు. ఈ చిత్రానికి సంబంధించి మొద‌టి షెడ్యూల్ హైద‌రాబాద్‌లో ఫినిష్ చేసి.. మిగిలిన రెండు షెడ్యూల్స్ త‌మిళ‌నాడు, కేర‌ళ‌, వైజాగ్ లలోని సుందరమైన ప్రదేశాల్లో షూట్ చేస్తామని చిత్రయూనిట్ అంటోంది. చిత్రానికి సంబంధించిన మరిన్ని వివ‌రాలు త్వ‌ర‌లోనే వెల్ల‌డిస్తామని వారు అన్నారు.

from Telugu Movie News | Movie News in Telugu | Movie Gossips in Telugu https://ift.tt/33LNWdS
v