భర్త నుంచి భూమిక విడాకులు తీసుకుందా.. ఇదిగో సమాధానం

ఒకప్పటి స్టార్ హీరోయిన్ భూమికా చావ్ల, ఆమె భర్త భరత్ ఠాకూర్ మధ్య వివాహ బంధం తెగిపోయిందని, వారు విడాకులు తీసుకున్నారనే ప్రచారం గత కొద్ది నెలలుగా జోరందుకుంది. తన భర్తకు సంబంధించిన పోస్టులను సోషల్ మీడియాలో పెట్టకపోవడం.. ఈ మధ్య కాలంలో భర్తతో కలిసి కాకుండా ఒంటరిగా బయట కనిపించడం వల్ల ఈ వదంతులు వ్యాపించాయి. భరత్ ఠాకూర్ కూడా తన సోషల్ మీడియా పోస్టుల్లో భూమికను భాగం చేయకపోవడంతో ఈ వదంతులు మరింత ఊపందుకున్నాయి. అయితే, ఈ వదంతులకు భూమిక చెక్ పెట్టారు. ఈ మేరకు బుధవారం సోషల్ మీడియాలో ఒక పోస్ట్ చేశారు. ఈ పోస్ట్‌లో తన భర్తతో తీసుకున్న ఫొటోను పొందుపరిచారు. అంతేకాదు, ఈరోజు తమ వివాహ వార్షికోత్సవం అని తెలియజేశారు. ‘‘వేల మైళ్ల ప్రయాణం ఒక్క అడుగుతోనే మొదలవుతుంది. ఆ ఒక్క అడుగే ప్రేమ. ఒకరినొకరం ఇష్టపడటం, ఒకరి గురించి ఒకరు తెలుసుకోవడం, అర్థం చేసుకోవడం, ఆనందం, మధురమైన క్షణాలు.. ఇదే ప్రేమ. మేమిద్దరం ఒకరి గురించి ఒకరం ఇంకా తెలుసుకుంటూనే ఉన్నాం. నాకెంతో చేసిన నీకు కృతజ్ఞతలు. మనల్ని, మన దాంపత్య జీవితాన్ని ఆ దేవుడు చల్లగా చూడాలి. జీవితంలో నువ్వు ఏం చేసినా దాని కోసం నువ్వు పడే కష్టం, నిబద్ధతను చూసి నేను గర్వపడుతున్నాను. వివాహ వార్షికోత్సవ శుభాకాంక్షలు’’ అని భూమిక పేర్కొన్నారు. కాగా, ‘యువ‌కుడు’ సినిమాతో తెలుగు సినీ పరిశ్రమలోకి అడుగు పెట్టిన భూమిక.. ఆ తరవాత ‘ఖుషి’ సినిమాతో మంచి క్రేజ్ సంపాదించారు. కుర్రకారు గుండెల్ని కొల్లగొట్టారు. అనంతరం ‘వాసు’, ‘ఒక్కడు’, ‘సింహాద్రి’ వంటి సినిమాల‌తో స్టార్ హీరోయిన్‌గా ఎదిగారు. 2007లో త‌న‌ యోగా టీచ‌ర్ అయిన భ‌ర‌త్ ఠాకూర్‌ను పెళ్లి చేసుకున్నారు. 2014లో వీరికి ఒక బాబు పుట్టారు. ఠాకూర్‌తో 13 ఏళ్ల దాంపత్య జీవితాన్ని అనుభవించి ఆయనతో ప్రయాణాన్ని ఆస్వాదిస్తోన్న భూమికపై విడాకుల రూమర్లు రావడం దురదృష్టకరం. Also Read:

from Telugu Movie News | Movie News in Telugu | Movie Gossips in Telugu https://ift.tt/31vSi7g
v