బిగ్ బాస్‌లో ఇకపై నో ఎలిమినేషన్.. ఇవీ మేనేజ్‌మెంట్ రూల్స్.. ప్రయోగం సక్సెస్ కావాలే గానీ!!

బుల్లితెర బిగ్గెస్ట్ సునామీ, పాపులర్ షో బిగ్ బాస్‌లో సరికొత్త ప్రయోగం చేస్తుండటం ఆసక్తికరంగా మారింది. తెలుగుతో పాటు పలు భాషల్లో రక్తికట్టిస్తున్న బిగ్ బాస్ షో భారీగా టీఆర్ఫీ రేటింగ్స్ తెచ్చుకుంటోంది. ముఖ్యంగా ఇందులో ప్రతివారం చేసే ఎలిమినేషన్ ప్రక్రియే అందరికీ ఆసక్తికర అంశం. సినిమాలో ఇంటర్వెల్ ట్విస్ట్ ఎలాగో ప్రతివారం బిగ్ బాస్‌లో ఎలిమినేషన్ అనేది అలా. వారం కాగానే హౌస్ నుంచి ఓ కంటిస్టెంట్‌ సూట్‌కేస్ సర్దేసి బై బై చెప్పేస్తుంటారు బిగ్ బాస్. ఇప్పటివరకు ఇదే చూశాం. కానీ ఇప్పుడు అంటూ సరికొత్త ప్రయోగం చేస్తున్నారు బిగ్ బాస్. వారం వారం కంటిస్టెంట్ ఎలిమినేషన్స్‌తో ఉత్కంఠ కలిగించే బిగ్ బాస్ మేనేజ్‌మెంట్ ఇప్పుడు ఆ స్థానంలో ఇన్విసబుల్ (అదృశ్యం) అనే కొత్త ప్రక్రియ చేపట్టబోతున్నారు. తొలి ప్రయత్నంగా హిందీ బిగ్ బాస్ 14లో దీన్ని అమలు చేసి.. ఇది సక్సెస్ అయితే ఆపై ఇతర భాషల్లోనూ ప్రయోగించాలని చూస్తున్నారు. విజయవంతంగా సాగిపోతున్న బిగ్ బాస్ 14లో ఈ వారం ఎలిమినేషన్ ఉండదని, దానికి బదులుగా ఇన్విసబుల్‌గా ఉండాలని ఆ షో హోస్ట్ సల్మాన్ ఖాన్ ప్రకటించడంతో సర్వత్రా ఆసక్తి నెలకొంది. Also Read: హిందీ బిగ్ బాస్ సీజన్ 14లో ఈ వారానికి గాను షెహజాద్ డియోల్, అభినవ్ శుక్లా, జాన్ కుమార్ సాను ఎలిమినేషన్స్ లిస్ట్‌లో ఉన్నారు. అయితే ఈ సారి 'నో ఎలిమినేషన్స్' ప్రక్రియ పెట్టినందున వారిలో షెహజాద్ డియోల్ ఇన్విసబుల్‌గా ఉంటారని హోస్ట్ సల్మాన్ ఖాన్ చెప్పారు. ఇన్విసబుల్ మెంబర్‌ని బిగ్ బాస్‌కి సంబంధించిన ఏ ఒక్క టాస్కులోనూ భాగం కానివ్వరు. హౌస్‌మేట్స్ తీసుకునే నిర్ణయాల్లో అతనికి స్థానం కల్పించరు. బిగ్ బాస్ రూల్స్ ప్రకారం ఆ కంటిస్టెంట్ మెదలాల్సి ఉంటుంది. అప్పటికీ ఇన్విసబుల్ మెంబర్ ప్రవర్తన నచ్చనట్లయితే బిగ్ బాస్ ఏ క్షణాన్నైనా అతన్ని హౌస్ నుంచి బయటకు పంపించవచ్చు. అయితే ఈ సారి హిందీ బిగ్ బాస్ సీజన్ 14లో ఈ ప్రయోగం చేసి విజయవంతం అయితే అన్ని భాషల్లోనూ అమలు చేయాలని భావిస్తున్నారట బిగ్ బాస్ నిర్వాహకులు. సో.. చూడాలి మరి ఈ వినూత్న ప్రయోగం ఏ మేర జనాన్ని ఆకర్షిస్తుందనేది!.

from Telugu Movie News | Movie News in Telugu | Movie Gossips in Telugu https://ift.tt/2HkaCcC
v