‘కేరింత’ సినిమాతో తెలుగు సినీ పరిశ్రమకు పరిచయమైన నటుడు విశ్వంత్ దుద్దుంపూడి.. ‘మనమంత’, ‘జెర్సీ’, ‘తోలు బొమ్మలాట’, ‘ఓ పిట్టకథ’ చిత్రాల ద్వారా మంచి గుర్తింపు తెచ్చుకున్నారు. ప్రస్తుతం ఆయన హీరోగా నటించిన చిత్రం ‘బోయ్ఫ్రెండ్ ఫర్ హయర్’. మాళవిక సతీషన్ హీరోయిన్. సంతోష్ కంభంపాటి దర్శకుడు. రొమాంటిక్ కామెడీ ఎంటర్టైనర్గా రూపొందుతోన్న ఈ చిత్రం షూటింగ్ పూర్తిచేసుకుని విడుదలకు సిద్ధంగా ఉంది. కాగా, ఈ ‘బోయ్ఫ్రెండ్ ఫర్ హయర్’ మూవీ ప్రచారంలో భాగంగా ఫస్ట్ లుక్ పోస్టర్ను చిత్ర యూనిట్ సోమవారం విడుదల చేసింది. హీరో, హీరోయిన్ కూల్ లుక్లో కనిపిస్తున్న ఈ పోస్టర్ ఆసక్తికరంగా ఉంది. హీరోను హీరోయిన్ తన భుజంపై ఎక్కించుకుని మోసుకెళ్తుండటం కొత్తగా అనిపిస్తోంది. అంతేకాదు, టైటిల్ కూడా ఇంట్రస్టింగ్గా ఉంది. బోయ్ఫ్రెండ్ను అద్దెకు ఇవ్వడమేంటో సినిమా చూస్తే కానీ తెలీదు. ఈ సినిమాను స్వస్తిక సినిమా, ప్రైమ్ షో ఎంటర్టైన్మెంట్ బ్యానర్లపై వేణుమాధవ్ పెద్ది, కె. నిరంజన్ రెడ్డి సంయుక్తంగా నిర్మిస్తున్నారు. గోపీ సుందర్ సంగీతం సమకూర్చిన ఈ సినిమా పాటలు త్వరలో విడుదల కానున్నాయి. బాల సరస్వతి సినిమాటోగ్రఫీ అందించిన ఈ సినిమాకు విజయ్ వర్ధన్ ఎడిటర్. పూజా రామచంద్రన్, మధు నందన్ ఈ మూవీలో ముఖ్య పాత్రల్లో కనిపించబోతున్నారు. రాజా రవీంద్ర, హర్షవర్ధన్, శివనారాయణ (అప్పాజి), రూపా లక్ష్మీ, నెల్లూరు సుదర్శన్ ఇతర పాత్రలు పోషించారు. Also Read:
from Telugu Movie News | Movie News in Telugu | Movie Gossips in Telugu https://ift.tt/2TqCEWr
v
No comments:
Post a Comment