రెబల్ స్టార్ గురించి ఎవరినైనా ఒక్క మాటలో చెప్పమంటే అస్సలు ఆలోచించకుండా ‘డార్లింగ్’ అంటారు. ఎందుకంటే ఎవరితోనైనా ఆయన డార్లింగ్ మాదిరిగానే ప్రవర్తిస్తారు. ఎంతో ప్రేమగా, ఆప్యాయంగా ఉంటారు. అందుకే ఇండస్ట్రీలో చాలా మంది ప్రభాస్ గురించి కల్మషం లేని వ్యక్తి, మంచి మనసున్న మహారాజు అని పొగుడుతూ ఉంటారు. పొగడటం కాదు ఇదే నిజం. చూడటానికి ఆరడుగుల పైనే ఆజానుబాహుడిలా ఉన్నా.. ఆయన మనసు మాత్రం వెన్న. కాస్త సిగ్గు, ఇంకాస్త మొహమాటం, మరికాస్త ప్రేమ.. ఇదే ప్రభాస్. ఈరోజు (అక్టోబర్ 23) ప్రభాస్ పుట్టినరోజు. ప్రభాస్ ఫ్యాన్స్ ఈరోజును పండగలా జరుపుకుంటున్నారు. ఇటు సినీ పరిశ్రమ నుంచి కూడా మెగాస్టార్ చిరంజీవి, సూపర్ స్టార్ మహేష్ బాబు మొదలుకొని సాయి ధరమ్ తేజ్, శర్వానంద్, సందీప్ కిషణ్, రాశీ ఖన్నా, కార్తికేయ, జగపతిబాబు, వరుణ్ తేజ్, వెంకటేష్, మంచు మనోజ్, దేవిశ్రీ ప్రసాద్, ప్రియదర్శి, శ్రీకాంత్, ఆది పినిశెట్టి, ఆది సాయికుమార్.. ఇలా చాలా మంది సెలబ్రిటీలు ప్రభాస్కు సోషల్ మీడియా ద్వారా పుట్టినరోజు శుభాకాంక్షలు తెలియజేశారు. ఇదిలా ఉంటే, ప్రభాస్ వ్యక్తిత్వం గురించి.. ఆయన మంచి తనం గురించి చెప్పడానికి సినీ పరిశ్రమకు చెందిన పీఆర్వో ఏలూరు శ్రీను ఒక సంఘటన గురించి వెల్లడించారు. ‘సాహో’ సినిమా ప్రచారం సమయంలో జరిగిన సంఘటన ఇది. ‘సాహో’ విడుదలకు ముందు ప్రచారంలో భాగంగా తెలుగు మీడియా ఛానెల్స్కు ఒకే రోజు ప్రభాస్ ఇంటర్వ్యూలు ఇచ్చారు. పార్క్ హయత్లో ఏర్పాటుచేసిన ఈ కార్యక్రమంలో ఒక్కో ఛానెల్కు ప్రభాస్ ఇంటర్వ్యూ ఇచ్చుకుంటూ వెళ్లారు. అలా అర్ధరాత్రి 2 గంటలు అయ్యింది. అయినప్పటికీ ఓపికగా 200 మందితో ప్రభాస్ ఫొటోలు దిగారట. ఆ తరవాత పార్క్ హయత్ నుంచి బయటికి వచ్చి కారు ఎక్కుతుంటే బయట ఒకే కుటుంబానికి చెందిన 10 మంది ఫ్యామిలీ ఫొటో కోసం వేచిచూస్తున్నారట. వాళ్లను చూసిన ప్రభాస్ అస్సలు ఆలోచించకుండా కారు దిగి వచ్చి వారితో ఫొటో దిగారట. అది కూడా వాళ్లను దగ్గరగా హగ్ చేసుకుని ఫొటో దిగారని ఏలూరు శ్రీను తన ట్వీట్లో పేర్కొన్నారు. మరొకరు అయితే ఆ సమయంలో వాళ్లను దూరంగా ఉంచేవాళ్లని ఏలూరు శ్రీను అభిప్రాయపడ్డారు. ‘‘వీడు ఎక్కడున్నా రాజేరా’’ అని ఎలా రాసారో కానీ అక్షరాల అది సత్యం అని ప్రభాస్పై తనకున్న అభిమానాన్ని చాటుకున్నారు.
from Telugu Movie News | Movie News in Telugu | Movie Gossips in Telugu https://ift.tt/31zUgni
v
No comments:
Post a Comment