సినీ రాజకీయ వర్గాల్లో ఆసక్తిరేకెత్తించే ఎంపిక ఇది. అటు ఫ్యాన్స్లోనూ.. ఇటు కింగ్ ఫ్యాన్స్లో ఉత్సాహాన్నిచ్చే వార్త ఏంటంటే.. దివంగత నేత వైఎస్ రాజశేఖర్ రెడ్డి పాత్రయాత్ర నేపథ్యంలో ఆనందో బ్రహ్మ దర్శకుడు మహి వి రాఘవ తెరకెక్కించిన వైఎస్ బయోపిక్ మూవీ ‘యాత్ర’ 2019 ఫిబ్రవరి 8న ప్రపంచ వ్యాప్తంగా విడుదలై విజయవంతమైన చిత్రంగా నిలిచింది. రాజశేఖర్ రెడ్డి పాత్రలో మలయాళ సూపర్ స్టార్ మమ్ముట్టి నటించి ఆ పాత్రకు వన్నెతెచ్చారు. ఆ చిత్రానికి ప్రేక్షకులు బ్రహ్మరథం పట్టారు. విజయమ్మ పాత్రలో అశ్రిత వేముగంటి నటించారు. వైఎస్ఆర్ తండ్రి రాజారెడ్డి పాత్రలో జగపతి బాబు నటించగా.. అనసూయ, సచిన్ ఖేదేకర్, రావు రమేశ్, సుహాసిని, నాజర్ ఇతర పాత్రల్లో నటించారు. అయితే ఈ చిత్రం తరువాత దర్శకుడు మహి వి రాఘవ ఇతర ప్రాజెక్ట్లు ఏమీ చేయకుండా యాత్ర-2 స్రిప్ట్ పనుల్లో ఉన్నారు. అయితే ఈ సీక్వెల్లో జగన్ పాత్ర కీలకం కావడంతో జగన్ పాత్రలో నటించేందుకు కింగ్ రణరంగంలోకి దిగుతున్నారు. దీనిపై అధికారిక ప్రకటన రావాల్సి ఉండగా.. ఇటీవల మహి వి రాఘవ నాగార్జునకు కథ వినిపించడం.. ఆయన సీఎం జగన్గా నటించేందుకు గ్రీన్ సిగ్నల్ ఇవ్వడంతో ఈ సినిమా త్వరలోనే పట్టాలెక్కబోతుందట. ప్రస్తుతం నాగార్జున బిగ్ బాస్ షోతో పాటు.. అహిషర్ సోలమన్ డైరెక్ట్ చేస్తున్న ‘వైల్డ్ డాగ్’ సినిమా బిజీలో ఉన్నారు. ఈ సినిమా 70 శాతం పూర్తి కావడంతో త్వరలో పూర్తి చేసి యాత్ర-2 మొదలుపెట్టేందుకు రెడీ అవుతున్నట్టు తెలుస్తోంది. మొత్తానికైతే జగన్ పాత్రలో నాగార్జున అంటే సినీ రాజకీయ వర్గాల్లో సంచలనం కావడం ఖాయమే. మరి ఈ సినిమా రాజకీయంగా జగన్కి.. మూవీ పరంగా నాగ్కి ఎలాంటి క్రేజ్ తీసుకువస్తుందో చూడాలి. అయితే యాత్ర సినిమా వైఎస్ పాదయాత్ర నేపథ్యంలో రూపొందించగా.. యాత్ర-2 సీఎం జగన్ పాదయాత్ర నేపథ్యంలో ఉండబోతున్నట్టు తెలుస్తోంది. తండ్రి చనిపోయిన తరువాత జగన్ ఎలాంటి ఇబ్బందులు ఎదుర్కొన్నారు.. ఆ తరువాత పాదయాత్ర చేపట్టి సీఎం ఎలా అయ్యారన్న కోణంలో ఈ కథ ఉండబోతున్నట్టు సమాచారం. అయితే యాత్ర-2లో జగన్ పాత్రలో నాగార్జున నటిస్తున్నారనే విషయాన్ని చిత్ర యూనిట్ కాని.. దర్శకుడు కాని అధికారికంగా ధృవీకరించలేదు. త్వరలో అధికారిక సమాచారం వచ్చే అవకాశం ఉంది.
from Telugu Movie News | Movie News in Telugu | Movie Gossips in Telugu https://ift.tt/3htoXQ0
v
No comments:
Post a Comment