ఎప్పుడూ సోషల్ మీడియాలో యాక్టివ్గా ఉంటూ ప్రతి ఇష్యూపై తనదైన స్టైల్ కామెంట్స్ చేయడం రామ్ గోపాల్ వర్మకు అలవాటు. ఎవ్వరు ఏమనుకుంటే నాకేంటి అంటూ తన అభిప్రాయాన్ని నిర్మొహమాటంగా బయటపెట్టే ఈ వివాదాస్పద దర్శకుడు తాజాగా బాలీవుడ్ ఇండస్ట్రీతో పాటు ముంబై నగరంలో దుమారం రేపుతున్న కంగనా ఇష్యూపై రియాక్ట్ అయ్యారు. తాజా పరిస్థితులు చూస్తుంటే కంగనా సీఎం అవుతుందేమో అనే ఫీలింగ్ కలుగుతోందంటూ సంచలన కామెంట్స్ చేశారు. ఈ మేరకు వరుస ట్వీట్స్ చేసిన ఆర్జీవీ.. ప్రస్తుత పరిస్థితి చూస్తుంటే మహారాష్ట్రకు నెక్స్ట్ రనౌత్ కావడం ఖాయంగా కనిపిస్తోందని పేర్కొన్నారు. అంతటితో ఆగక ఒకవేళ అదే జరిగితే బాలీవుడ్ ప్రముఖులు తట్టాబుట్టా సర్దేసుకొని నైగర్ నది ఉన్న ప్రాంతంలో మకాం పెట్టాల్సిందే అంటూ తనదైన శైలిలో వ్యగ్యంగా ట్వీట్ చేశారు వర్మ. ఆ వెంటనే మరో సందేశం పోస్ట్ చేసిన ఆయన.. కంగనా సీఎం అయితే అర్నబ్ గోస్వామి పీఎం అవుతాడని, ముంబై పోలీసుల స్థానంలో రిపబ్లిక్ టీవీ వచ్చేసి శివసేన కనుమరుగై పోతుందని అలాగే కాంగ్రెస్ ఇటలీ పారిపోతుందంటూ షాకింగ్ కామెంట్ చేశారు. ఇక కరోనా సోకిన భారత దేశానికి ఎలాగైతే వ్యాక్సిన్ లేదో అలాగే కంగనా రనౌత్ సోకిన శివసేన వ్యాక్సిన్ లేదని వ్యంగ్యాస్త్రాలు సంధించారు . దీంతో ఆయన పోస్ట్ చేసిన ఈ సందేశాలు, కంగనా వర్సెస్ మహారాష్ట్ర గవర్నమెంట్ వ్యవహారం జనాల్లో హాట్ టాపిక్ అయింది. Also Read: ఇకపోతే సుశాంత్ ఆత్మహత్య తర్వాత తీవ్ర స్థాయిలో రెచ్చిపోతున్న కంగనా.. ముంబై నగరం పాక్ ఆక్రమిత కాశ్మీర్ని తలపిస్తోందంటూ సంచలన వ్యాఖ్యలు చేయడంతో శివసేన నేతలు ముంబై రావద్దంటూ ఆమెకు వార్నింగ్ ఇచ్చిన సంగతి తెలిసిందే. దీంతో మరింత ఫైర్ అవుతూ 'వస్తా దమ్ముంటే అడ్డుకోండి' అని సవాల్ విసిరి ఈ రోజు (బుధవారం) ముంబై వెళ్లింది కంగనా. మరోవైపు కంగనా ఆఫీసు నిబంధనలకు విరుద్ధంగా ఉందంటూ బీఎంసీ అధికారులు ఆ ఆఫీసును కూలగొట్టే ప్రయత్నం చేయగా.. ముంబై హైకోర్టు కంగనా ఆఫీసును కూల్చొదంటూ స్టే విధించింది. ఈ మొత్తం పరిణామాల నడుమ కంగనా ఇష్యూ దేశవ్యాప్త హాట్ టాపిక్ అయింది.
from Telugu Movie News | Movie News in Telugu | Movie Gossips in Telugu https://ift.tt/2RaC6TG
v
No comments:
Post a Comment