వండర్‌ఫుల్ పవన్ కళ్యాణ్‌ సార్‌కి బ్యూటిఫుల్ సమంత బర్త్‌డే విషెస్.. ఒక రోజు ముందుగానే!

జనసేన అధినేత, పవర్ స్టార్ రేపు (సెప్టెంబర్ 2న) తన 49వ పుట్టినరోజును జరుపుకోబోతున్నారు. అయితే, పుట్టినరోజుకు ఒక్క రోజు ముందుగానే పవన్ కళ్యాణ్‌కు ఆయన స్నేహితులు, శ్రేయోభిలాషులు, అభిమానులు పుట్టినరోజు శుభాకాంక్షలు తెలియజేస్తున్నారు. సినిమా ఇండస్ట్రీ నుంచి అప్పుడే పవన్ కళ్యాణ్‌కు పుట్టినరోజు శుభాకాంక్షలు తెలియజేశారు. ట్విట్టర్ ద్వారా పవర్ స్టార్‌కు విషెస్ చెప్పారు. ‘‘అబ్జల్యూట్లీ వండర్‌ఫుల్ పవన్ కళ్యాణ్ సార్’’ అని సంబోధిస్తూ ట్వీట్ చేశారు. ‘‘కచ్చితంగా అద్భుతమైన పవన్ కళ్యాణ్ సార్‌కి పుట్టినరోజు శుభాకాంక్షలు. గొప్ప జ్ఞానంతో గొప్ప బాధ్యతలు ఆయన చేపట్టాలని కోరుకుంటున్నాను. మీరు ఆయురారోగ్యాలతో ఎల్లకాలం సంతోషంగా ఉండాలని కోరుకుంటున్నాను’’ అని సమంత ట్వీట్ చేశారు. సమంత ట్వీట్‌కు పవన్ కళ్యాణ్ అభిమానుల నుంచి విపరీతమైన స్పందన వస్తోంది. ఇప్పటికే సుమారు 17వేల మంది రీట్వీట్ చేశారు. 30 వేల మంది లైక్ చేశారు. తమ హీరోకి ఒక రోజు ముందుగానే శుభాకాంక్షలు తెలపడంతో సామ్‌కి ఫ్యాన్స్ థ్యాంక్స్ చెబుతున్నారు. ఇదిలా ఉంటే, పవన్ కళ్యాణ్‌తో కలిసి సమంత ‘అత్తారింటికి దారేది’ చిత్రంలో నటించిన సంగతి తెలిసిందే. అప్పటి నుంచి పవన్ కళ్యాణ్‌పై తనకున్న అభిమానాన్ని, గౌరవాన్ని సమంత చాటుకుంటూనే ఉన్నారు. కాగా, పవన్ కళ్యాణ్ పుట్టినరోజు సందర్భంగా రేపు మూడు సినిమాలకు సంబంధించి సర్‌ప్రైజ్‌లు ఇవ్వబోతున్నారు మేకర్స్. ఉదయం 9:09 గంటలకు ‘వకీల్ సాబ్’ మోషన్ పోస్టర్‌ను విడుదల చేస్తున్నారు. ఇక మధ్యాహ్నం 12:30 గంటలకు క్రిష్ మూవీ (PSPK27) అప్‌డేట్ వస్తుంది. సాయంత్రం 4:05 గంటలకు హరీష్ శంకర్ సినిమా (PSPK28) అప్‌డేట్ ఇస్తారు. మొత్తం మీద రేపు పవన్ ఫ్యాన్స్‌కు పండగే.

from Telugu Movie News | Movie News in Telugu | Movie Gossips in Telugu https://ift.tt/3bgfV7D
v