విలక్షణమైన కథా చిత్రాలు, పాత్రలతో నటుడిగా ప్రేక్షకుల ఆదరాభిమానాలు పొందుతున్న సత్యదేవ్ హీరోగా కొత్త సినిమాను ప్రకటించారు. దీనికి ‘తిమ్మరుసు’ అని టైటిల్ పెట్టారు. ‘అసైన్మెంట్ వాలి’ అనేది ట్యాగ్లైన్. త్వరలోనే షూటింగ్ ప్రారంభంకానున్న ఈ సినిమా టైటిల్ లోగోను సోమవారం విడుదల చేశారు. డిఫరెంట్ కాన్సెప్ట్తో రూపొందుతోన్న చిత్రమని తెలియజేసేలా రూపొందిన ఈ టైటిల్ లోగో ఆసక్తినిరేపుతోంది. నందమూరి కళ్యాణ్ రామ్తో ‘118’ అనే థ్రిల్లర్తో పాటు కీర్తి సురేశ్ ప్రధాన పాత్రలో నటించిన ‘మిస్ ఇండియా’ చిత్రాన్ని నిర్మిస్తున్న ఈస్ట్ కోస్ట్ ప్రొడక్షన్స్ అధినేత మహేశ్ కోనేరుతో కలిసి ఎస్ ఒరిజినల్స్ బ్యానర్పై ‘మను’, ‘సూర్యకాంతం’ వంటి డిఫరెంట్ మూవీస్ను అందించిన నిర్మాత సృజన్ ఎరబోలు ‘తిమ్మరుసు’ చిత్రాన్ని నిర్మిస్తున్నారు. Also Read: ‘బ్లఫ్ మాస్టర్’తో హీరోగా మెప్పించిన సత్యదేవ్ రీసెంట్గా విడుదలైన విలక్షణ చిత్రం ‘ఉమామహేశ్వర ఉగ్రరూపస్య’ చిత్రంలోనూ వైవిధ్యమైన టైటిల్ రోల్ను పోషించి ప్రేక్షకులను అలరించారు. నటుడిగా తనకంటూ ఓ ఇమేజ్ను క్రియేట్ చేసుకుంటూ ముందుకు సాగుతున్న సత్యదేవ్తో సినిమాలు చేయడానికి దర్శక నిర్మాతలు ఆసక్తిని కనపరుస్తున్నారు. ఈ నేపథ్యంలో ఓ డిఫరెంట్ కాన్సెప్ట్ మూవీని శరణ్ కొప్పిశెట్టి దర్శకత్వంలో తెరకెక్కించడానికి నిర్మాతలు మహేశ్ కోనేరు, సృజన్ సిద్ధమయ్యారు. ఈ సినిమాలో నటించబోయే హీరోయిన్, ఇతర నటీనటులు, సాంకేతిక నిపుణుల వివరాలను త్వరలోనే ప్రకటిస్తామని నిర్మాతలు తెలిపారు.
from Telugu Movie News | Movie News in Telugu | Movie Gossips in Telugu https://ift.tt/2F4hYjm
v
No comments:
Post a Comment