బాలీవుడ్లో డ్రగ్స్ కేసు ప్రకంపనలు కొనసాగుతూనే ఉన్నాయి. హీరో సుశాంత్సింగ్ రాజ్పుత్ ఆత్మహత్యతో మొదలైన ఈ వివాదం ఎటు పోతుందో, ఎంతమంది మెడకు చుట్టుకుంటుందో తెలియడం లేదు. నెపోటిజం కారణంగా అతడు ఆత్మహత్య చేసుకున్నాడని తొలుత ప్రచారం జరిగినా.. ఆ తర్వాత డ్రగ్స్ కోణం వెలుగులోకి వచ్చింది. ఆ కేసులో అరెస్టయిన సుశాంత్ ప్రేయసి విచారణలో కీలక విషయాలు వెల్లడించింది. ఆమె చెప్పిన వివరాల ప్రకారం నార్కోటిక్ కంట్రోల్ బ్యూరో అధికారులు హీరోయిన్లు శ్రద్ధా కపూర్, సారా అలీఖాన్, రకుల్ప్రీత్ సింగ్, దీపికా పదుకొనేలకు నోటీసులు జారీచేశారు. అయితే ఈ కేసులో ఎవరూ ఊహించని విధంగా దీపికా పదుకొనేకి ఎన్సీబీ నోటీసులు పంపడం పలువురిని ఆశ్చర్యానికి గురిచేస్తోంది. దీనిపై బాలీవుడ్లో రకరకాల వాదనలు వినిపిస్తున్నాయి. సుశాంత్ ఆత్మహత్యలో వాస్తవాలను కప్పిపుచ్చుకునేందుకు దీపికను ఇరికించే ప్రయత్నం చేస్తున్నారని కొందరు ఆరోపిస్తున్నారు. దీంతో పాటు వివాదాస్పదమైన వ్యవసాయ బిల్లుకు వ్యతిరేకంగా ఈ నెల 25వ తేదీన రైతు సంఘాలు తలపెట్టిన దేశవ్యాప్త బంద్పై ప్రజల దృష్టిని మరల్చేందుకే అదే రోజు దీపికను విచారణకు పిలిచారన్న వాదనలు వినిపిస్తున్నాయి. Also Read: అసలు ఈ కేసును తప్పుదోవ పట్టించే ఉద్దేశంలో దీపకి పదుకొనే పేరు చేర్చారని కొందరు ఆరోపిస్తున్నారు. మీడియా దృష్టిని మళ్లించేందుకు బీజేపీ పెద్దలు రచించిన వ్యూహంలో దీపికను పావుగా మార్చేశారని సోషల్మీడియాలో ఓ వర్గం కామెంట్లు చేస్తోంది. బంద్ రోజుల దీపిక విచారణకు హాజరైతే మీడియా ఫోకస్ మొత్తం అటు వెళ్లిపోతుందని, దీంతో బంద్పై ఎవరూ ఆసక్తి చూపరన్నది కేంద్రం ఆలోచనంటూ వాదనలు వినిపిస్తున్నాయి. ఢిల్లీ యూనివర్శిటీలో గతంలో జరిగిన అల్లర్లపై స్పందించిన దీపిక అక్కడికి వెళ్లి విద్యార్థి సంఘాలకు మద్ధతు ప్రకటించింది. బీజేపీ మద్దతుదారులు చేసిన దాడికి నిరసనగా చేపట్టిన దీక్షకు సంఘీభావం ప్రకటించింది. Also Read: ఆ కక్షతోనే కేంద్రంలోని బీజేపీ ప్రభుత్వం ఇప్పుడు ఆమెను డ్రగ్స్ కేసులో ఇరికించే ప్రయత్న చేస్తోందని కొందరు ఆరోపిస్తున్నారు. తాజా వివాదంపై ప్రముఖ జర్నలిస్ట్ రాజ్దీప్ సర్దేశాయ్ సైతం సోషల్మీడియా ద్వారా స్పందించారు. ‘ఈ నెల 25 శుక్రవారం విచారణకు హాజరు కావాలని దీపికకు ఎన్సీబీ నోటీసులు జారీ చేసింది. అదే రోజు రైతులు చేపట్టనున్న భారత్ బంద్ నుంచి ప్రజల దృష్టిని మరల్చాలని కేంద్రం భావిస్తోంది’ అంటూ ట్వీట్ చేశారు. మరి ఈ ఆరోపణలపై కేంద్రం ఎలా స్పందిస్తుందో చూడాలి.
from Telugu Movie News | Movie News in Telugu | Movie Gossips in Telugu https://ift.tt/2RRUl0t
v
No comments:
Post a Comment