నటుడు ‘లవకుశ’ నాగరాజు కన్నుమూత

విశ్వవిఖ్యాత నటసార్వభౌమ స్వర్గీయ నందమూరి తారక రామారావు రాముడిగా, అంజలి దేవి సీతగా నటించిన ‘లవకుశ’ చిత్రం గురించి తెలియని తెలుగువారు ఉండరు. 1963లో విడుదలై ఆ చిత్రంలో లవ, కుశులుగా అనపర్తి నాగరాజు, వియ్యూరి సుబ్రహ్మణ్యం నటించారు. అయితే, లవుడి పాత్రలో తెలుగు, తమిళ ప్రేక్షకులను మెప్పించిన నాగరాజు సోమవారం కన్నుమూశారు. హైదరాబాద్‌లోని గాంధీనగర్‌లో ఉన్న తన నివాసంలో నాగరాజు తుదిశ్వాస విడిచారు. నాగరాజు కొంతకాలంగా శ్వాసకోశ వ్యాధితో బాధపడుతున్నారు. నాగరాజు మరణం పట్ల సినిమా పరిశ్రమకు చెందిన ప్రముఖులు, ‘లవకుశ’ అభిమానులు సంతాపం వ్యక్తం చేశారు. ఇప్పటి వరకు తెలుగు తమిళం భాషల్లో 340కు పైగా చిత్రాల్లో నాగరాజు నటించారు. ఎన్టీర్ నటించిన సుమారు 22 పౌరాణిక చిత్రాల్లో నటించారు. నాగరాజు మృతి పట్ల దిగ్భ్రాంతి వ్యక్తం చేసిన తెలుగు టీవీ రచయితల సంఘం అధ్యక్షుడు డి.సురేష్ కుమార్, సభ్యులు ఆయన ఆత్మకు శాంతి చేకూరాలని కోరుకున్నారు. అయన కుటుంబ సభ్యులకు ప్రగాఢ సానుభూతిని తెలియచేశారు. ‘లవకుశ’ సినిమాను తెలుగు, తమిళంలో ద్విభాషా చిత్రంగా రూపొందించారు. తెలుగులో ‘లవకుశ’కు ఉత్తమ చిత్రంగా జాతీయ అవార్డు దక్కింది. ఎన్టీఆర్, అంజలీదేవి, తాడేపల్లి లక్ష్మీకాంతారావులకు రాష్ట్రపతి అవార్డులు దక్కాయి. సీఎస్ రావు, ఆయన తండ్రి సి.పుల్లయ్య దర్శకత్వం వహించిన ఈ సినిమా అప్పట్లో ఓ సంచలనం. 18 సెంటర్లలో 175 రోజులు పూర్తిచేసుకుంది. ఉమ్మది ఆంధ్రప్రదేశ్ రాష్ట్ర వ్యాప్తంగా 75 వారాల పాటు ఆడింది. ఈ సినిమా చేసేటప్పటికి నాగరాజు వయసు 9 సంవత్సరాలు. Also Read: Also Read:

from Telugu Movie News | Movie News in Telugu | Movie Gossips in Telugu https://ift.tt/3h7QwhA
v