డ్రగ్స్ రాకెట్‌లో కొత్త కోణం.. బయటపడిన సంజన సీక్రెట్ మ్యారేజ్! పోలీసుల ఎదుట ఓపెన్..

కన్నడ సినీ పరిశ్రమలో డ్రగ్స్ రాకెట్ వ్యవహారం కలకలం సృష్టిస్తున్న సంగతి తెలిసిందే. శాండ‌ల్‌వుడ్‌ నటీనటులకు డ్రగ్స్ సరఫరా చేసే వ్యక్తులతో సంబంధాలున్నాయనే ఆరోపణలు రావడంతో రంగంలోకి దిగిన బెంగుళూరు సెంట్రల్‌ క్రైమ్‌ బ్రాంచ్‌ (సీసీబీ) పోలీసులు లోతైన దర్యాప్తు చేస్తున్నారు. ఇప్పటికే ఈ ఇష్యూలో క‌న్న‌డ న‌టి రాగిణి ద్వివేది, అసిస్టెంట్ రాహుల్‌‌, హీరోయిన్ సంజనా గల్రానీలను అరెస్ట్ చేసి విచారిస్తున్నారు. అయితే పోలీసుల విచారణలో భాగంగా సంజన సీక్రెట్ మ్యారేజ్ వ్యవహారం బయటపడటం జనాల్లో హాట్ టాపిక్ అయింది. బెంగుళూరుకు చెందిన డాక్టర్ అజీజ్ పాషాను సంజన వివాహం చేసుకుందని గతేడాదే మీడియాలో వార్తలు గుప్పుమన్నాయి. కానీ ఆ వార్తలను ఖండిస్తూ వచ్చిన సంజన.. ఇటీవల అరెస్ట్ అయ్యాక కూడా తాను పెళ్లి చేసుకోలేదనే చెప్పింది. తన పెళ్లి విషయమై వస్తున్న రూమర్స్ నమ్మవద్దంటూ స్టేట్‌మెంట్ ఇచ్చింది. అయితే తాజాగా పోలీస్ విచారణలో సంజన తన పెళ్లి విషయమై మాట మార్చినట్లు తెలుస్తోంది. సంజన పెళ్లికి సంబంధించిన కీలక ఆధారాలు పోలీసులు చూపించడంతో తప్పని పరిస్థితుల్లో తన పెళ్లయిందని ఆమె ఒప్పుకుందట. Also Read: ఇదిలా ఉంటే సంజన పెళ్లి విషయంలో ఆమె తల్లి రేష్మా గల్రానీ మరో విధంగా స్పందించింది. సంజనకు పెళ్లి కాలేదు కానీ ఎంగేజ్‌మెంట్ మాత్రమే అయిందని పేర్కొంది. ఈ ఏడాది ఏప్రిల్‌లో పెళ్లి కావాల్సి ఉండగా కరోనా కారణంగా వాయిదా పడిందని చెప్పుకొచ్చింది. తల్లీబిడ్డల ఈ పొంతన లేని సమాధానాలతో సంజన పెళ్లి మ్యాటర్ చర్చల్లో నిలిచింది. అసలు పెళ్లి విషయం దాచాల్సిన అవసరం ఏంటి? అనే కోణంలో పోలీసులు పరిశీలిస్తున్నట్లు తెలిసింది. ఇక సంజన అరెస్ట్ తర్వాత ఈ విచారణలో ఇంకా ఎందరు సినీ ప్రముఖుల పేర్లు బయటకొస్తాయో తెలియక సినీ వర్గాల్లో టెన్షన్ పుట్టింది.

from Telugu Movie News | Movie News in Telugu | Movie Gossips in Telugu https://ift.tt/2DOm1Qf
v