బర్త్ డే సెలబ్రేషన్స్లో భాగంగా.. ఫ్లెక్సీలు కడుతూ పవన్ కళ్యాణ్ ఫ్యాన్స్ చనిపోయిన ఘటనపై హీరోయిన్ స్పందిస్తూ షాకింగ్ కామెంట్స్ చేశారు. ఈ ఇష్యూ కొందరు పవన్ కళ్యాణ్ని నిందించడం పట్ల రియాక్ట్ అయ్యారు పవన్ విధేయురాలు మాధవీలత. ఈ ఘటన చాలా బాధకరం.. మనం చాలా రోజుల నుంచి ఇలాంటివి చూస్తూనే ఉన్నాం.. సినిమా విడుదలైన మొదటిరోజు టిక్కెట్ల కోసం చనిపోయేవాళ్లను అలాగే ఆడియో ఈవెంట్లు, సినిమా ఫంక్షన్లలలో అభిమానులు చనిపోతూ ఉన్నారు. దయచేసి.. జాగ్రత్తగా ఉండండి. మీకు చాలా ఉత్సాహం ఉండొచ్చు.. చుట్టూ ఏం జరుగుతుందన్న విషయాన్ని పట్టించుకోకపోవడం వల్ల ఇలాంటి ఇబ్బందులు వస్తున్నారు. మీతో పాటు మీ కుటుంబం కూడా ఇబ్బందులకు గురౌతుంది. అలాగే మీరు ఎంతగానో ఇష్టపడే హీరోలు కూడా ఇబ్బంది పడుతుంటారు. ఎందుకంటే ఎవరూ కూడా తనకోసం ఒకరు చనిపోవాలని కోరుకోరు. పవన్ కళ్యాణ్ లాంటి వ్యక్తి అయితే అసలు కోరుకోరు. అంతఎత్తున బ్యానర్లు కట్టమని పవన్ అడగలేదు. మీ అభిమానం గుండెల్లో ఉండాలి తప్ప.. ఆ గుండె ఆగిపోయే పరిస్థితి ఎప్పటికీ రాకూడదు. మీరు అభిమానంతోనే చేస్తున్నారు కాని.. ఆయనకు చెడ్డ పేరు తీసుకువస్తుంది. ఏ హీరోకి సంబంధించిన ఫ్యాన్స్ తొక్కిసలాటలో చనిపోయినా అది ఆ హీరోకే చెడ్డ పేరు వస్తుంది. ముఖ్యంగా పవన్ కళ్యాణ్ని అన్ని పార్టీలు టార్గెట్ చేసి ఉన్నారు. మీ అభిమానులందరికీ నా రిక్వెస్ట్ ఏంటంటే.. మీరు చాలా కేర్ ఫుల్గా ఉండండి.. మీరు దూరమైతే మీ కుటుంబ సభ్యులు అందరూ బాధపడతారు. ఒకే ఇంట్లో ఇద్దరు సోదరుల్ని కోల్పోతే ఆ కుటుంబానికి ఎంత బాధ ఉంటుందో అర్థం చేసుకోగలం. కర్మ సిద్దాంతం ప్రకారం మరణం అనేది ఎప్పుడు ఎలా వస్తుందో తెలియదు. ఇంట్లో కూర్చున్నా చనిపోయే అవకాశం ఉంది. అది మన తలరాత. కాని మనిషికి ఒక ఆశ ఉంటుంది.. ఇలా జరగకుండా ఉంటే బాగుండు అని. దయచేసి ఇకపై మీరు అభిమానించే హీరోలకు ఫ్లెక్సీలు కట్టొద్దు. ఆ డబ్బుతో పేదవారికి సాయం చేయండి. ఏ హీరో కూడా ఫ్లెక్సీలు కట్టమని అడగడు. 25 అడుగుల ఎత్తు నుంచి పడి చనిపోవడం అంటే దారుణం. ఇకపై ఫ్యాన్స్ ఇలాంటి ప్రమాదరకమైన పరిస్థితులు తెచ్చుకోవద్దు.. జాగ్రత్తగా ఉండండి.. ప్రాణహాని చేసుకోవద్దు’ అంటూ సందేశం ఇచ్చారు బీజేపీ లీడర్, హీరోయిన్ మాధవీలత.
from Telugu Movie News | Movie News in Telugu | Movie Gossips in Telugu https://ift.tt/350s5QS
v
No comments:
Post a Comment