పైటకొంగును పదేపదే జారవిడిచినా లొంగలేదు: డైరెక్టర్‌తో యువనటి ప్రవర్తనపై అసిస్టెంట్ సంచలన వ్యాఖ్యలు

సినిమా ఇండస్ట్రీలో క్యాస్టింగ్ కౌచ్ గురించి ఇప్పటికే ఎన్నో ఆరోపణలు, మరెన్నో కథనాలు వెలువడ్డాయి. సినిమాలో అవకాశం కావాలంటే తమకు పడక సుఖాన్ని అందించాలని ఫిల్మ్ మేకర్స్ తమను అడిగినట్టు ఇప్పటికే చాలా మంది నటీమణులు ఆరోపణలు చేశారు. అయితే, ప్రముఖ దర్శకుడు విషయంలో ఇది రివర్స్‌లో జరిగిందట. సినిమాలో అవకాశం కోసం ఆయన్నే ఒక నటి సెక్సువల్ ఫేవర్స్‌ను సూచించిందట. ఈ విషయాన్ని అనురాగ్ కశ్యప్ మాజీ అసిస్టెంట్ జయదీప్ శంకర్ వెల్లడించారు. అనురాగ్ కశ్యప్ తనను లైంగికంగా వేధించారని నటి పాయల్ ఘోష్ ఆరోపణలు చేసిన సంగతి తెలిసిందే. అయితే, అనురాగ్ అలాంటి వారు కాదని.. ఆయన చాలా మంచి వ్యక్తి అని ఇండస్ట్రీకి చెందిన చాలా మంది సపోర్ట్ చేస్తున్నారు. పాయల్‌పై అనురాగ్ చేస్తోన్న పోరాటానికి మద్దతు పలుకుతున్నారు. ఈ నేపథ్యంలో జయదీప్ శంకర్ చేసిన వ్యాఖ్యలు ఇప్పుడు అందరినీ షాక్‌కు గురిచేస్తున్నాయి. అనురాగ్ ఎంత మంచి వ్యక్తో తెలియజేయడానికి జయదీప్ గతంలో జరిగిన ఒక సంఘటనను చెప్పుకొచ్చారు. ఈ మేరకు తాజాగా ట్వీట్ చేశారు. ‘‘ఈ స్టోరీని గుర్తుచేసుకోవడానికి ఇదే సరైన సమయం. 2004లో నేను అనురాగ్ కశ్యప్‌కు అసిస్టెంట్‌గా పనిచేశాను. ‘గులాల్’ సినిమాలో రెండో హీరోయిన్ కోసం వెతుకుతున్న సమయం అది. చాలా మంది నటీమణులను పరిశీలించాను. ఈ సినిమాలో ఎలాగైనా నటించాలని బలమైన కోరికతో ఉన్న ఓ యువ నటి అనురాగ్‌ను కలవాలని పట్టుబట్టింది. ఆయన కోసం వెయిట్ చేసింది. నెరేషన్ పూర్తయిన తరవాత ఆమెను కలవడానికి అనురాగ్ అంగీకరించారు. ఆ పాత్రను దక్కించుకోవడానికి ‘కాస్టింగ్ కౌచ్’ ఒక్కటే మార్గమని ఆ యువ నటి భావించినట్టుంది. ఆమె స్వయంగా కొన్ని ‘ఫేవర్స్’ను సూచించింది’’ అని ట్వీట్‌లో జయదీప్ పేర్కొన్నారు. Also Read: అయితే, ఆమె ఆఫర్‌ను అనురాగ్ సున్నితంగా తిరస్కరించారని జయదీప్ తెలిపారు. దీంతో ఆమె మెల్లగా తన చీర పైటకొంగును జారవేయడం మొదలుపెట్టిందని, ఇలా కొన్ని సార్లు చేయడంతో అనురాగ్ వెంటనే పైకిలేచి దయచేసి ఇంకోసారి అలా చేయొద్దని రిక్వెస్ట్ చేశారని జయదీప్ తన ట్వీట్‌లో వెల్లడించారు. ‘‘నా సినిమాలో పాత్రకు నువ్వు సరిగ్గా సరిపోతావు అనుకుంటే నేనే అవకాశం ఇస్తాను.. నువ్వు ఏమీ చేయాల్సిన అవసరంలేదు’’ అని ఆమెతో అనురాగ్ చెప్పినట్టు జయదీప్ గుర్తుచేసుకున్నారు. ఆ యువ నటితో ఆ మాట చెప్పి రూమ్‌లో నుంచి అనురాగ్ వెళ్లిపోయారని, ఆ తరవాత ఆయన చాలా బాధపడ్డారని జయదీప్ పేర్కొన్నారు. ఆ సమయంలో తాను షాక్ గురైనప్పటికీ తానొక హీరోని చూశానని జయదీప్ అన్నారు. ఆమెపై అనురాగ్ చూపించిన గౌరవం, సానుభూతిని చూశానన్నారు. అవకాశాల కోసం చాలా మంది అమ్మాయిలు ఇదొక్కటే దారి అనుకోవడం తనను ఎంతగానో బాధిస్తోందని అనురాగ్ తనకు స్వయంగా చెప్పారని జయదీప్ పేర్కొన్నారు. ‘‘నేను ఆ అమ్మాయిని బ్లేమ్ చేయడం లేదు. ఆ అమ్మాయి మాదిరిగానే చాలా మంది ఇండస్ట్రీకి వస్తున్నారు. సినిమాలో అవకాశం రావాలంటే ఇలాగే చేయాలని నమ్ముతున్నారు. మిగిలిన రంగాల్లో కూడా ఈ విధంగా జరగొచ్చేమో. కానీ అనురాగ్‌తో పనిచేసినప్పుడు, ముఖ్యంగా నటీనటుల ఎంపిక జరిగినప్పుడు నేను ఎప్పుడూ గమనించింది ఒక్కటే.. మహిళల పట్ల ఆయనకున్న గౌరవం’’ అని ట్వీట్ల పరంపరను ముగించారు జయదీప్. అయితే, అనురాగ్‌కు జయదీప్ బంగారు పూత వేయడానికి ప్రయత్నిస్తున్నారని కొంత మంది విమర్శిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2FTn3vt
v