మెగాస్టార్ పుట్టిన రోజంటే మెగా అభిమానులకు పండగ రోజే. ఒక నెల ముందు నుంచే భారీ ఎత్తున ఏర్పాట్లు చేస్తుంటారు మెగా ఫ్యాన్స్. ప్రతీ ఏడాది చిరంజీవి బర్త్ డే (ఆగస్టు 22) రోజున పెద్ద ఎత్తున సేవా కార్యక్రమాలు, కేక్ కట్టింగ్ లాంటివి చేస్తూ సంబరాలు చేసుకుంటారు. అయితే ఈ ఏడాది కరోనా విజృంభణ కారణంగా అలాంటివి చేయడం సాధ్యపడక పోవచ్చు. దీంతో మెగా శిబిరాలను మరో రకంగా హుషారెత్తించే ప్లాన్ చేశారట దర్శకనిర్మాతలు. ఈ క్రమంలోనే ఆ రోజు కోసం ఏకంగా మూడు సర్ప్రైజ్ గిఫ్ట్లు రెడీ చేస్తున్నారట. అందులో మొదటిది చిరంజీవి లేటెస్ట్ మూవీ 'ఆచార్య' అప్డేట్. కొరటాల శివ దర్శకత్వంలో రూపొందుతున్న ఈ మూవీ నుంచి ఫస్ట్లుక్ పోస్టర్ రివీల్ చేసేలా సన్నాహాలు చేస్తున్నారట. రెండోది.. చిరంజీవి తదుపరి సినిమా తాలూకు క్రేజీ అప్డేట్. డైరెక్టర్ బాబీ దర్శకత్వంలో మెగాస్టార్ నెక్స్ట్ ప్రాజెక్టు ఉండనుందని వార్తలు వస్తున్న నేపథ్యంలో ఆ ప్రాజెక్టును చిరంజీవి పుట్టిన రోజునే అఫీషియల్గా ప్రకటించాలని ప్లాన్ చేస్తున్నారట. Also Read: ఇక మూడో సర్ప్రైజ్ ఏంటనే.. చిరంజీవి కోసం రామ్ చరణ్ తీసుకున్న లూసిఫర్ రీమేక్ అప్డేట్. కొణిదెల ప్రొడక్షన్స్ బ్యానర్పై రూపొందనున్న లూసిఫర్ రీమేక్ దర్శకత్వ బాధ్యతలను సాహో ఫేమ్ సుజీత్కి అప్పగించినట్లు వార్తలు విన్నాం. కానీ రీసెంట్గా వినిపిస్తున్న టాక్ మేరకు సుజీత్ స్థానంలో వీవీ వినాయక్ ఎంటర్ అయ్యారని తెలుస్తోంది. ఈ క్రమంలో దీనిపై కూడా క్లారిటీ ఇస్తూ అఫీషియల్ ప్రకటన ఇచ్చి మెగా అభిమానులను ఖుషీ చేయాలని చూస్తున్నారట. సో.. చూస్తుంటే ఈ ఏడాది చిరంజీవి బర్త్ డే మెగా ఫ్యాన్స్కి పెద్ద పండగ కానుందని తెలుస్తోంది కదూ!.
from Telugu Movie News | Movie News in Telugu | Movie Gossips in Telugu https://ift.tt/39NEUP0
v
No comments:
Post a Comment