అదో చెత్త కథ.. పబ్లిసిటీ కోసం చీప్ జిమ్మిక్స్: ఆ దర్శకుడిపై మైత్రీ మూవీ మేకర్స్ ఫైర్

మెగాస్టార్ హీరోగా వస్తోన్న ‘ఆచార్య’ సినిమా కథ తనదేనంటూ రాజేష్ మండూరి అనే అసిస్టెంట్ డైరెక్టర్ ఆరోపణలు చేసిన సంగతి తెలిసిందే. పలు చిత్రాలకు అసిస్టెంట్ డైరెక్టర్‌గా, అసోసియేట్ డైరెక్టర్‌గా పనిచేసిన తాను డైరెక్టర్‌గా మారడానికి ఒక కథ రాసుకున్నానని, నందమూరి బాలకృష్ణతో ఆ సినిమా చేసేందుకు మైత్రీ మూవీ మేకర్స్‌కు ఆ కథ చెప్పానని రాజేష్ ఆరోపించారు. అప్పుడు తనతో సినిమా చేయడానికి అంగీకరించని మైత్రీ మూవీ మేకర్స్ సంస్థ.. తన కథను కొరటాల శివకు ఇచ్చిందని సంచలన ఆరోపణ చేశారు. అయితే, రాజేష్ మండూరి ఆరోపణలపై మైత్రీ మూవీ మేకర్స్ సంస్థ స్పందించింది. రాజేష్ ఆరోపణలను కొట్టిపారేసింది. ‘‘అతని కథను (‘అన్నయ్య’ అనే టైటిల్‌ను ప్రతిపాదించారు) దర్శకుడు కొరటాల శివకు మేం ఇచ్చామని రాజేష్ మండూరి చేస్తున్న ఆరోపణలను మేం ఖండిస్తున్నాం. అతని ఆరోపణలు పూర్తిగా నిరాధారం, అసత్యం’’ అని మైత్రీ మూవీ మేకర్స్ తమ ప్రకటనలో పేర్కొంది. Also Read: ‘‘అతను చెప్పినట్టు అతను నెరేట్ చేసిన స్టోరీ చాలా బాగుంటే మంచి నటీనటులతో మేమే ఆ సినిమాను నిర్మించేవాళ్లం. భరత్ కమ్మ (డియర్ కామ్రేడ్), రితేష్ రానా (మత్తు వదలరా), సాన బుచ్చిబాబు (విడుదలకు సిద్ధంగా ఉన్న ఉప్పెన).. ఇలా ఏడాదిలో ముగ్గురు కొత్త దర్శకులను పరిచయం చేసిన ఘనత ఉన్న మేం కథ చాలా బాగుంటే మరో కొత్త దర్శకుడిని పరిచయం చేయకుండా ఎందుకు ఆపుతాం. నిజానికి మాకు నెరేట్ చేసిన కథ అస్సలు బాగోలేదు, కంటెంట్‌లో బలం లేదు, అందుకే మేం తిరస్కరించాం. ఇదే విషయాన్ని అతనికీ చెప్పాం. అతని చెప్పి కథ చెత్తగా ఉన్నప్పుడు, ఈ ప్రపంచంలో మేం కొరటాల శివ గారి దగ్గరికే వెళ్లి ఆ కథను తీసుకోమని ఎందుకు చెప్తాం. మేధోసంపత్తి కలిగిన దర్శకుల్లో ఒకరిగా, విలువలు కలిగిన గొప్ప వ్యక్తిగా కొరటాల శివ గారు మంచి పేరును సంపాదించారు. అలాంటిది ఈ రాజేష్ అనే వ్యక్తి ఎలాంటి ఆధారాలు లేకుండా మీడియా ముందుకు వెళ్లి మా పేరుకు, కొరటాల శివ గారి గౌరవానికి భంగం కలిగేలా మాట్లాడటం దురదృష్టకరం. మీడియాలో అతను మాట్లాడిన మాటలను, చేసిన ఆరోపణలను తీవ్రంగా ఖండిస్తున్నాం. ఎలాంటి సంకోచం లేకుండా అతనిపై తగిన చర్యలు తీసుకుంటామని మేం తెలియజేస్తున్నాం. అతను పబ్లిసిటీ కోసం ఇలాంటి చీప్ జిమ్మిక్కులు చేస్తున్నాడని గ్రహించి, అతని ఆరోపణలను పక్కనబెట్టాలని ప్రతి ఒక్కరికీ మేం విజ్ఞప్తి చేస్తున్నాం’’ అని మైత్రీ మూవీ మేకర్స్ తమ ప్రకటనలో పేర్కొంది.

from Telugu Movie News | Movie News in Telugu | Movie Gossips in Telugu https://ift.tt/3llKq0t
v