రమణా!! సరిలేరు నీకెవ్వరు స్పూఫ్ ఫైట్ తీసిన బుడ్డోళ్లకి సినిమా ఛాన్స్ వచ్చిందిరా! బడ్జెట్ ఎంతో తెలుసా?

‘‘మాటల్లేవ్.. మాట్లాడుకోవడాల్లేవ్.. తమ్ముళ్లూ మీకు తిరుగులేదురా.. కోట్లు బడ్జెట్ పెట్టి నెలలు సంవత్సరాల పాటు షూటింగ్ తీసి ఔట్ పుట్ ఇస్తుంటే.. మీరు ఒకే ఒక్కరోజులో చిన్న ఫోన్‌తో ‘సరిలేరు నీకెవ్వరు’ సినిమా చూపించేశారు.. టాలెంట్ ఎవడబ్బ సొత్తు కాదని నిరూపించారు.. మిమ్మల్ని ప్రోత్సహిస్తే టాలీవుడ్‌కి తిరుగు ఉండదు’’.. సోషల్ మీడియాలో ట్రెండ్ అవుతున్న ‘సరిలేరు నీకెవ్వరు’ ఫైట్స్ స్పూఫ్ వీడియోలు చూస్తే ఎవరికైనా మతిపోవాల్సిందే. ‘నెల్లూరు చిచ్చర పిడుగులు’.. ఏం తీసార్రా బాబూ.. ఒక్క పిల్లోడు ఇరగదీశాడు అంటూ ప్రశంసలు కురిపిస్తున్నారు. మహేష్ బాబు బర్త్ డే కానుకగా చేసిన ‘సరిలేరు నీకెవ్వరు’ స్పూఫ్ ఫైట్‌లు సోషల్ మీడియాలో వైరల్ అవుతున్నాయి. కెమెరా టేకింగ్.. వాళ్ల పెర్ఫామెన్స్.. యాక్షన్స్ సీక్వెన్స్ అన్నీ చూస్తే వీడెవడో పెద్ద డైరెక్టర్ మాదిరే ఉన్నాడు అనిపించేలా అద్భుతంగా చేశారు. ఇక వీళ్ల గురించి తెలుసుకునే ప్రయత్నం చేసింది తెలుగు సమయం. ఈ చిచ్చర పిడుగులది నెల్లూరు జిల్లా. ఈ స్పూఫ్ వీడియోలను డైరెక్ట్ చేసింది కిరణ్ అనే కుర్రాడు. తొమ్మిదో తరగతి చదువుకున్న కిరణ్.. సినిమాలపై ఉన్న మక్కువతో హైదరాబాద్ వచ్చేసి.. స్టుడియోల చుట్టూ తిరిగాడు. ఆ తరువాత ఎక్కడ తనకు అవకాశం లేకపోవడంతో తిరిగి నెల్లూరు వెళ్లిపోయి కూలీగా మారాడు. తన తల్లికి సాయం చేస్తూ.. ఇద్దరు చెల్లెల్ల బాధ్యతల్ని చూస్తున్నాడు. కిరణ్ తల్లి చేపలు చేస్తూ జీవనం సాగిస్తుంది. కిరణ్ కూడా చెరువు పనులు చేయడమే కాకుండా ఖాళీ సమయాల్లో పాటలు వింటూ సినిమా కథలు, ఫైట్స్ సీక్వెన్స్ లాంటివి చేస్తూ ఉంటాడు. ఫైట్స్ అంటే ఇష్టపడే కిరణ్.. మహేష్ బాబు సరిలేరు నీకెవ్వరు చిత్రంలోని అనీల్ రావిపూడి టేకింగ్ చూసి థ్రిల్ అయ్యాడు. ఎలాగైనా ఈ ఫైట్స్‌ను తానూ చేయాలని అనుకున్నాడు. అయితే ఆర్థికపరిస్థితి లేకపోవడంతో ఊర్లో వాళ్లని యాక్ట్ చేయాల్సిందిగా కోరాడు. ఎవరూ ముందుకు రాకపోవడంతో.. ఊర్లో ఉండే చిన్న చిన్న పిల్లల్నే హీరో, ఫైటర్స్‌గా మార్చేశాడు. ఒక లాప్ టాప్ కాని, కెమెరా కాని ఇతర ఎలాంటి టెక్నాలిజీ సాయం లేకుండా కేవలం తన దగ్గర ఉన్న ‘రియల్ మీ 5 ప్రో’ ఫోన్‌తో ఒకే ఒక్కరోజులో 16 మంది చిన్న పిల్లలతో ఈ స్పూఫ్ వీడియోలను షూట్ చేశాడు కిరణ్. డైరెక్షన్‌తో పాటు.. కెమెరా ఆపరేట్ చేస్తూ రియలిస్టిక్ ఫైట్స్‌లా కెమెరా జిమ్మిక్కులతో రక్తికట్టించాడు. అంతే కాదు ఎడిటింగ్ కూడా అదే మొబైల్‌లో చేయడం విశేషం. ఈ ఫైట్స్‌లో గాళ్లోకి ఎగిరే సీన్లు.. ఎగిరి పడే సీన్లుకూడా చాలా ఉండటంతో వాటికి అసలు కష్టపడలేదని.. తాళ్లు కూడ కట్టలేదని కేవలం చిన్న చిన్న టెక్నిక్స్‌తో ఫైట్స్ షూట్ చేశా అంటున్నాడు కిరణ్. తొమ్మిదో తరగతి వరకే చదువుకున్న తనకు టెక్నికల్ విషయాలపై పెద్దగా అవగాహన లేదని.. అయితే నా మైండ్‌లో విజువల్‌ని ఊహించుకుంటానని దాన్నే ఫోన్‌లో తీసేస్తా అంటున్నాడు ఈ బుడతడు. ఈ ఫైట్‌లో చేసిన పిల్లల ఆర్థిక పరిస్థితి కూడా అంతంత మాత్రమే.. అయినప్పటికీ తన దగ్గర నుంచి రూపాయి కూడా తీసుకోలేదని అందరూ ఫ్రీగా చేశారంటున్నాడు కిరణ్. తనకు సినిమాలు అంటే పిచ్చి అని.. చాలా కథలు రాసుకుని సినిమా చేద్దాం అనుకుంటున్నట్టు తెలిపాడు కిరణ్. తమ ఊరికే చెందిన ఒక వ్యక్తిని హీరోగా అనుకుని కథ రాసుకున్నానని.. అయితే అతను బిజీగా ఉండటం వల్ల కుదర్లేదంటున్నాడు కిరణ్. అయితే ఈ వీడియోలు పోస్ట్ చేసిన తరువాత చాలా మంది ఫోన్లు చేసి అభినందిస్తున్నారని.. డైరెక్టర్ అనీల్ రావిపూడి ఆఫీస్ నుంచి వాళ్ల అసిస్టెంట్ డైరెక్టర్ ఫోన్ చేసి అనీల్ రావిపూడి ఈ వీడియోలు చూసి సర్ ప్రైజ్ అయ్యారని.. ఈ వీడియోలను ప్రమోట్ చేస్తున్నామని వాళ్లు చెప్పినట్టు తెలిపారు కిరణ్. అయితే అనీల్ రావిపూడితో మాట్లాడే అవకాశం ఇవ్వమని అడిగానని.. డైరెక్టర్‌తో మాట్లాడి మళ్లీ కాల్ చేస్తాం అన్నారని.. అయితే అనీల్ రావిపూడి ఈ వీడియోలను షేర్ చేయడం బాగా వైరల్ అయ్యిందంటున్నాడు కిరణ్. పది లేదా ఇరవై వేలు బడ్జెట్ పెడితే అద్భుతంగా నా మైండ్ ఉపయోగించి సినిమా తీసేస్తా అంటున్నాడు కిరణ్. ఇక ఈ వీడియోలు చూసిన.. రుషి అనే ఒకతను ఫోన్ చేసి.. నేను బడ్జెట్ పెడతా నువ్ సినిమా తీస్తావా? అని అడిగాడని... విజయవాడకు చెందిన ఆయన .. సినిమాలో రెండు ఫైట్లు ఉండాలని కోరినట్టు తెలిపారు కిరణ్. తాను పది ఇరవై వేలు బడ్జెట్ పెడితే చాలు అనుకుంటే.. రుషి అనే అతను ఏకంగా లక్షన్నర బడ్జెట్ పెట్టడానికి ముందుకు వచ్చినట్టు తెలిపారు కిరణ్. అయితే అనీల్ రావిపూడి దగ్గర అసిస్టెంట్ డైరెక్టర్ చేయాలని తన కల అని.. ఆయన దగ్గర మేకింగ్ నేర్చుకోవాలని ఉందంటూ తన మనసులో ఉన్న కోరికను బయటపెట్టాడు కిరణ్.

from Telugu Movie News | Movie News in Telugu | Movie Gossips in Telugu https://ift.tt/2PNk9tn
v