ఏషియన్ గ్రూప్ యూనిట్కు చెందిన శ్రీ వేంకటేశ్వర సినిమాస్ ఎల్ఎల్పి వరుసపెట్టి సినిమాలను ప్రకటిస్తోంది. నిఖిల్ 20వ సినిమాని నిర్మించనున్నట్లు ఇటీవల ప్రకటించిన శ్రీ వేంకటేశ్వర సినిమాస్ ఎల్ఎల్పి సంస్థ.. తాజాగా యంగ్ హీరో శర్వానంద్తో ఓ చిత్రాన్ని నిర్మించనున్నట్లు ప్రకటించింది. ఈ మేరకు నిర్మాతలు నారాయణ్ దాస్ కె. నారంగ్, పుస్కూర్ రామ్మోహన్ రావు మంగళవారం మీడియాకు తెలిపారు. త్వరలో ఈ చిత్రానికి సంబంధించిన డైరెక్టర్, తారాగణం, సాంకేతిక నిపుణుల వివరాలను ప్రకటించనున్నారు. ఒకదాని తర్వాత ఒకటిగా చిత్రాలు నిర్మించేందుకు శ్రీ వేంకటేశ్వర సినిమాస్ ఎల్ఎల్పి ప్లాన్ చేస్తోంది. శర్వానంద్ ప్రస్తుతం ‘శ్రీకారం’ చిత్రంతో పాటు ఒక తెలుగు-తమిళ ద్విభాషా చిత్రాన్ని ఏక కాలంలో చేస్తున్నారు. మరోవైపు నాగచైతన్య, సాయిపల్లవి జంటగా శేఖర్ కమ్ముల దర్శకత్వంలో ‘లవ్ స్టోరి’ అనే రొమాంటిక్ ఎంటర్టైనర్ను ఏషియన్ సినిమాస్ నిర్మిస్తోంది. ఈ సినిమా షూటింగ్ ముగింపు దశలో ఉంది. Also Read: ఇదిలా ఉంటే, ఈ మధ్య కాలంలో శర్వానంద్ సరైన విజయం అందుకోలేకపోయారు. ‘శతమానం భవతి’ సినిమా తరవాత ఆ స్థాయి విజయం దక్కలేదు. ‘రాధ’ డిజాస్టర్ తరవాత ‘మహానుభావుడు’ పర్వాలేదనిపించినా.. ఆ తర్వాత వరుసగా ‘పడిపడి లేచే మనసు’, ‘రణరంగం’, ‘జాను’ సినిమాలు నిరాశపరిచాయి. సమంత, శర్వానంద్ జంటగా నటించిన ఫీల్ గుడ్ మూవీ ‘జాను’పై అంచనాలు ఏర్పడినా ఈ చిత్రం బాక్సాఫీసు వద్ద రాణించలేకపోయింది. మరి రాబోయే చిత్రాలతో శర్వా ఎలాంటి ప్రభావం చూపుతారో చూడాలి.
from Telugu Movie News | Movie News in Telugu | Movie Gossips in Telugu https://ift.tt/39WU3xf
v
No comments:
Post a Comment