‘ఆదిపురుష్’ సినిమాను ప్రకటించిన దగ్గర నుంచీ దీని గురించి ఏదో ఒక వార్త వైరల్ అవుతూనే ఉంది. ఇండియన్ సినిమా హిస్టరీలోనే అత్యంత భారీ చిత్రంగా ‘ఆదిపురుష్’ ఉండబోతోందని.. వెయ్యి కోట్ల రూపాయల భారీ బడ్జెట్తో ఈ సినిమాను రూపొందించబోతున్నారని వార్తలు వచ్చాయి. అంతేకాదు, ఈ సినిమాలో రావణుడిగా బాలీవుడ్ నటుడు సైఫ్ అలీ ఖాన్ కనిపించబోతున్నారని టాక్ కూడా వినిపించింది. అయితే, ఈ సినిమాపై ఇప్పుడు మరో వార్త హాట్ టాపిక్గా మారింది. ‘ఆదిపురుష్’లో ‘బాహుబలి’కి మించి కంప్యూటర్ గ్రాఫిక్స్ ఉండబోతున్నాయని అంటున్నారు. ప్రేక్షకులు ఇప్పటి వరకు పొందని అనుభూతిని ఈ సినిమా ద్వారా పొందబోతున్నారట. భారీ సెట్లు, వీఎఫ్ఎక్స్ అబ్బురపరుస్తాయట. అయితే, బడ్జెట్ వెయ్యి కోట్లు కాదని రూ.500 కోట్లు అని అంటున్నారు. ఈ మొత్తంలో సగ భాగం వీఎఫ్ఎక్స్కే ఖర్చుచేస్తున్నారని సమాచారం. అంటే, వీఎఫ్ఎక్స్ కోసం సుమారు రూ.250 కోట్లు ఖర్చుచేయబోతున్నారట. నిజానికి ఇది ‘బాహుబలి’ కంటే అధికం. ‘బాహుబలి’ రెండు చిత్రాలకు కలుపుకుని వీఎఫ్ఎక్స్కు సుమారు రూ.200 కోట్లు ఖర్చుచేసినట్టు సమాచారం. Also Read: కాగా, ‘ఆదిపురుష్’ సినిమాకు ఓం రౌత్ దర్శకత్వం వహించనున్నారు. బాలీవుడ్ హిట్ మూవీ ‘తానాజీ: ది అన్సంగ్ వారియర్’ సినిమాకు దర్శకత్వం వహించారు. ఓం రౌత్ దర్శకత్వం వహించిన తొలి హిందీ సినిమా ఇదే. ఇప్పుడు ‘ఆదిపురుష్’తో టాలీవుడ్లోకి కూడా ఆయన అడుగుపెడుతున్నారు. ఈ సినిమాను హిందీ, తెలుగు భాషల్లో ఏకకాలంలో చిత్రీకరించనున్నారు. ఆ తరవాత తమిళం, మలయాళం, కన్నడ, ఇతర భాషల్లోకి అనువాదం చేస్తారు. 3డి యాక్షన్ డ్రామాగా తెరకెక్కుతోన్న ఈ మూవీని గుల్షన్ కుమార్, టి-సిరీస్ ఫిలింస్ సమర్పణలో రెట్రోఫిలిస్ ప్రొడక్షన్, టి-సిరీస్ బ్యానర్లపై భూషణ్ కుమార్, కృషణ్ కుమార్, ఓం రౌత్, ప్రసాద్ సుతార్, రాజేష్ నాయర్ సంయుక్తంగా నిర్మిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3gfkKij
v
No comments:
Post a Comment