ప్రేక్షకుడు థియేటర్స్కి వెళ్లి సినిమా వీక్షించే రోజు.. తమకు ఇష్టమైన హీరో సినిమా చూస్తూ ఈలలు వేసి గోల చేసే రోజుని త్వరలోనే చూస్తామంటున్నారు నిర్మాత, కమెడియన్ . ప్రస్తుతం OTT ప్లాట్ ఫామ్ హవా నడుస్తున్న తరుణంలో అసలు తనకు ఈ OTT అంటే ఏంటో తెలియదని అన్నారు బండ్ల గణేష్. ప్రముఖ యాంకర్ రోజాకి ఇచ్చిన ఇంటర్వ్యూలో ఆయన మాట్లాడుతూ.. ఈ ఓటీటీ గీటీటీల గురించి నాకు తెలియదు. నాకు తెలియని విషయం గురించి నేను మాట్లాడను. నేను కనుక సినిమా తీసి ఉండి.. రిలీజ్కి రెడీగా ఉండి ఉంటే మాత్రం ఖచ్చితంగా ఓటీటీలో రిలీజ్ చేసేవాడిని కాదు. అయితే ఓటీటీలో ఎవరు చూస్తారు. ఇక ప్రేక్షకులు ఎవరూ థియేటర్స్కి వచ్చి సినిమాలు చూడరు.. అంతా ఓటీటీలదే హవా అని అన్నారు.. ఓరి పిచ్చోడా!! మన ఇంట్లో కూడా దేవుడి ఫొటో ఉంటాది.. అలాగని గుడికి వెళ్లడం మానేస్తామా?? గుడికి వెళ్తాం.. ఎందుకు అంటే గుడికి వెళ్తే ఆ ఫీలింగ్ వేరు. అలాగే మంచి సినిమా వస్తే థియేటర్కి వెళ్లి మాత్రమే చూస్తాం.. అందులో ఉండే కిక్ అలాంటిది. మా ఇంట్లో పెద్ద హోం థియేటర్ ఉంది.. అయినా థియేటర్కి వెళ్లి చూస్తేనే సినిమా చూసినట్టు ఉంటుంది. కరోనా ముందు కంట్రోల్ అవ్వాలి.. తొందరగా వ్యాక్సిన్ అందరికీ అందుబాటులోకి రావాలి. కొన్నాళ్లు పాటు బాధలు ఉంటాయి.. అవి తప్పువు. తొందర్లోనే వాటి నుంచి బయటపడతాం. కరోనాని కూడా తొందర్లో మరిచిపోతాం.. ఎప్పుడో రెండేళ్ల క్రితం కరోనా వచ్చింది.. థియేటర్కి వెళ్ల కూడదు అని ఎవరూ అనుకోరు. ఇక నేను ప్రొడ్యుసర్గానే కొనసాగాలని అనుకుంటున్నా.. ఎమోషనల్ క్యారెక్టర్స్ వస్తే తప్పుకుండా చేస్తా. ఇలాంటి పాత్రలు వస్తే చేస్తా. సరిలేరు నీకెవ్వరు చిత్రంలో అనవరసంగా నటించానని అనుకున్నా.. అదే చెప్పా.. కాని సినిమా పెద్ద హిట్ అయ్యింది. ఆ సినిమా దర్శకుడు అనీల్ రావిపూడి నా సొంత బ్రదర్ లాంటి వాడు.. మహేష్ బాబు కాంబినేషన్లో నటించడం గొప్ప విషయమే కాని.. ఆ వేషం నేను వేయకూడదు’ అంటూ చెప్పుకొచ్చారు బండ్ల గణేష్.
from Telugu Movie News | Movie News in Telugu | Movie Gossips in Telugu https://ift.tt/2WXoezc
v
No comments:
Post a Comment