ప్రముఖ నటుడు, రచయిత, దర్శకుడు మంగళవారం కన్నుమూశారు. వయోభారంతో బాధపడుతోన్న 88 ఏళ్ల రావి కొండలరావు గుండెపోటుతో తుదిశ్వాస విడిచారు. రావి కొండలరావు మృతి వార్త విని జనసేన అధినేత, నటుడు దిగ్భ్రాంతికి లోనయ్యారు. ఆయన కుటుంబ సభ్యులకు తన ప్రగాఢ సానుభూతిని తెలియజేశారు. గతేడాది ఆగస్టులో జరిగిన ‘‘మన సినిమాలు: అనుభవాలు - చరిత్ర - పరిణామం’’ అనే పుస్తకావిష్కరణ కార్యక్రమంలో రావి కొండలరావును పవన్ కలుసుకున్నారు. కొండలరావు మృతికి తన సంతాపాన్ని వ్యక్తం చేస్తూ పవన్ ఒక ప్రకటనను మంగళవారం సాయంత్రం విడుదల చేశారు. Also Read: ‘‘ప్రముఖ నటుడు, రచయిత రావి కొండల రావు గారు తుది శ్వాస విడిచారని వార్త తెలిసి దిగ్భ్రాంతికి లోనయ్యాను. ఆయన కుటుంబ సభ్యులకు నా తరఫున, జనసేన తరఫున ప్రగాఢ సానుభూతి తెలియచేస్తున్నాను. తెలుగు చిత్రసీమకు శ్రీ కొండలరావు గారు అందించిన బహుముఖ సేవలు అజరామరం. ఆయన మరణం సినీ రంగానికి ఒక లోటు. నాటక రచయితగా, నటుడిగా రంగస్థలానికి, పాత్రికేయుడిగా సినీ జర్నలిజానికి చేసిన సేవలు మరువలేనివి. సినీ రంగంలోని ఎన్నో మలుపులను అక్షరబద్ధం చేశారు. ఆరు దశాబ్దాలకుపైబడి తెలుగు సినీ రంగంతో అనుబంధం కలిగి ఉన్నారు. విజయ సంస్థతోను, బాపు-రమణలతోను సన్నిహిత సంబంధాలు కలిగిన శ్రీ రావి కొండలరావు గారు నటుడిగా, సినీ కథా రచయితగా తన ముద్రను వేశారు. తెలుగు ప్రేక్షకులను ఎంతగానో మెప్పించిన ‘పెళ్లి పుస్తకం’ చిత్రానికి కథా రచయితగా అందరి ప్రశంసలతోపాటు పలు పురస్కారాలు అందుకున్నారు. అన్నయ్య చిరంజీవి గారు చిత్రాలు మంత్రిగారి వియ్యంకుడు, చంటబ్బాయి లాంటి వాటిలో శ్రీ కొండలరావు గారు పోషించిన పాత్రలు అందరికీ గుర్తే. గత యేడాది ఒక పుస్తకావిష్కరణ సభలో వారిని కలిసినప్పుడు సినీ రంగ ప్రస్థానం, మలుపులు గురించి మాట్లాడుకున్నాం. ఆయన ఆత్మకు శాంతి చేకూరాలని ప్రార్థిస్తున్నాను’’ అని పవన్ తన ప్రకటనలో పేర్కొన్నారు.
from Telugu Movie News | Movie News in Telugu | Movie Gossips in Telugu https://ift.tt/2XkCvGD
v
No comments:
Post a Comment