రాజ్యసభ సభ్యుడు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్ అద్భుతంగా ముందుకు కొనసాగుతుంది. సినీ, రాజకీయ, వ్యాపార ప్రముఖులు ఈ కార్యక్రమంలో పాల్గొని మొక్కల నాటడం ఎంత అవసరమో సమాజానికి తెలియజేస్తున్నారు. అంతేకాదు, గ్రీన్ ఇండియా ఛాలెంజ్ను ప్రారంభించిన ఎంపీ సంతోష్ను ప్రతి ఒక్కరూ అభినందిస్తున్నారు. ఈ కార్యక్రమంలో భాగంగా ఆదివారం జూబ్లీహిల్స్ హౌసింగ్ సొసైటీ, జూబ్లీహిల్స్ ఇంటర్నేషనల్ సెంటర్ ఆధ్వర్యంలో చైర్మన్ నరేంద్ర చౌదరి నాయకత్వంలో ఒక లక్ష మొక్కలు నాటే కార్యక్రమం చేపట్టారు. ఈ కార్యక్రమాన్ని ఎంపీ సంతోష్ కుమార్తో కలిసి సినీ ప్రముఖులు మెగాస్టార్ చిరంజీవి, పవర్ స్టార్ పవన్ కళ్యాణ్, దర్శకులు బోయపాటి శ్రీను, అనిల్ రావిపూడి సొసైటీ ప్రాంగణంలో మొక్కలు నాటి ప్రారంభించారు.మొక్కలు నాటిన అనంతరం చిరంజీవి మాట్లాడుతూ.. ‘‘గ్రీన్ ఇండియా ఛాలెంజ్ అనే గొప్ప కార్యక్రమాన్ని చేపట్టి ముందుకు దూసుకుపోతున్న మా హీరో ఎంపీ సంతోష్ గారికి అభినందనలు. కరోనా వైరస్ వల్ల మానవ శరీరంలో మొదటగా దెబ్బతినేది ఊపిరితిత్తులు. గాలి పీల్చుకో లేక మనిషి చనిపోతున్నాడు. ప్రాణవాయువు ఊపిరితిత్తులకు అంత అవసరం. ఈ కరోనా సమయంలో సామాన్యులకు కూడా ప్రాణవాయువు విషయం తెలిసింది. అడవులు, వృక్షాలు ప్రాణవాయువును అందిస్తాయి. భూమికి ఊపిరితిత్తులు చెట్లు. అలాంటి ప్రాణవాయువును అందించే మొక్కలు నాటే కార్యక్రమాన్ని చేపట్టిన రాజ్యసభ సభ్యులు సంతోష్ గారికి అభినందనలు’’ అని చిరంజీవి అన్నారు.
మొక్కలు నాటి ఆకుపచ్చ భారతాన్ని అందించడమే మన భావితరాలకు అందించే గొప్ప సంపద అని చిరంజీవి చెప్పారు. ‘‘మొక్కలు మనం ఇచ్చే కాలుష్యాన్ని పీల్చుకొని మనకు ప్రాణవాయువు అందిస్తున్నాయి. దానిని గుర్తించిన సంతోష్ గారు గత మూడు సంవత్సరాలుగా ఈ కార్యక్రమం నిర్వహిస్తున్నారు. గతంలో కూడా ఒకసారి ఈ కార్యక్రమంలో పాల్గొన్నాను. ఇప్పుడు కూడా పాల్గొని మొక్కలు నాటడం చాలా సంతోషంగా ఉంది. జూబ్లీ హిల్స్ సొసైటీ ఒక లక్ష మొక్కలు నాటే కార్యక్రమం చేపట్టడం అభినందనీయం. వారికి, గ్రీన్ ఇండియా ఛాలెంజ్ సంస్థకి కృతజ్ఞతలు తెలియజేస్తున్నాను. గ్రీన్ ఇండియా ఛాలెంజ్ను స్ఫూర్తిగా తీసుకొని ప్రతి ఒక్కరూ.. ముఖ్యంగా మెగా అభిమానులందరూ మొక్కలు నాటాలి. అదే మనం ఈ భూమికి తిరిగిచ్చే ప్రతుపకారం’’ అని చిరంజీవి తెలిపారు.
ఈ ప్రాంతం ఆకుపచ్చగా ఉండాలని జూబ్లీహిల్స్ హౌసింగ్ సొసైటీ ఆధ్వర్యంలో ఎంపీ సంతోష్ గారి సహకారంతో మొక్కలు నాటే కార్యక్రమాన్ని చేపట్టిన వారికి కృతజ్ఞతలు అని పవర్ స్టార్ పవన్ కళ్యాణ్ అన్నారు. ‘‘పచ్చదనం లేకపోతే చాలా కష్టం. దుబాయ్ లాంటి దేశంలో పచ్చదనం కోసం చాలా కష్టపడతారు. సౌత్ ఆఫ్రికా లాంటి దేశంలో గడ్డి మొక్కలను కూడా చాలా అపురూపంగా పెంచుకుంటారు. మన దేశంలో మొక్కలు పెంచుకునే అవకాశం ఉంది. ఆ స్ఫూర్తిని మనకు కలిగిస్తున్న సంతోష్ గారికి కృతజ్ఞతలు. నేను కూడా ప్రకృతి ప్రేమికుడిని, పర్యావరణాన్ని కాపాడుకోవాలనే ఆలోచన ఉన్న వాడిని. పచ్చదనాన్ని పెంచాలనే స్పృహ ఉన్నవాడిని. మొక్కలు నాటడం అంటే నాకు చాలా ఇష్టం. నాకు ఈ అవకాశం ఇచ్చిన సంతోష్ గారికి, ఎన్టీవీ చౌదరి గారికి కృతజ్ఞతలు. ప్రతి ఒక్కరూ ఈ మొక్కలు పెంచే కార్యక్రమాన్ని బాధ్యతగా తీసుకోవాలి. నా అభిమానులు అందరూ కూడా మొక్కలు నాటి పెంచాలని కోరుతున్నాను’’ అని పవన్ కళ్యాణ్ పిలుపునిచ్చారు.
మొక్కలు నాటిన అనంతరం దర్శకుడు బోయపాటి శ్రీను మాట్లాడుతూ.. ‘‘గ్రీన్ ఇండియా ఛాలెంజ్ ఒక మంచి కార్యక్రమం. దీన్ని చేపట్టిన ఎంపీ సంతోష్ గారికి అభినందనలు. ఈ సందర్భంగా నేను చిరంజీవి అభిమానులకు, పవన్ కళ్యాణ్ అభిమానులకు, బాలకృష్ణ అభిమానులకు, అదేవిధంగా బోయపాటి కుటుంబ సభ్యులకు మొక్కలు నాటాలని పిలుపునిస్తున్నాను’’ అని వెల్లడించారు. అలాగే మరో దర్శకుడు అనిల్ రావిపూడి మాట్లాడుతూ.. ‘‘గ్రీన్ ఇండియా ఛాలెంజ్ చాలా మంచి కార్యక్రమం. ఇది ఇలానే ముందుకు కొనసాగాలి. ఇంత మంచి కార్యక్రమాన్ని ముందుండి నడిపిస్తున్న సంతోష్ గారికి కృతజ్ఞతలు. ఈ ఛాలెంజ్ స్వీకరించి అందరూ మొక్కలు నాటాలి’’ అని పిలుపునిచ్చారు. ఈ కార్యక్రమంలో జూబ్లీహిల్స్ హౌసింగ్ సొసైటీ అధ్యక్షుడు నరేంద్ర చౌదరి, సెక్రెటరీ హనుమంతరావు, జూబ్లీహిల్స్ ఇంటర్నేషనల్ సెంటర్ అధ్యక్షుడు చలసాని దుర్గా ప్రసాద్, సెక్రటరీ సురేష్ రెడ్డి, సభ్యులు చలసాని శ్రీనివాస్, విద్యాసాగర్, బాలకృష్ణ, అట్లూరి సుబ్బారావు తదితరులు పాల్గొని మొక్కలు నాటారు.
Thank you @PawanKalyan garu for planting the saplings by bracing #GreenIndiaChlenge🌱🌱🌱. #GIC is fortunate to have… https://t.co/k5oNQnbCkg
— Santosh Kumar J (@MPsantoshtrs) 1595756162000
Thank you @KChiruTweets garu for planting the saplings by bracing #GreenIndiaChallenge 🌱🌱🌱. We all know how well h… https://t.co/1YVHEn9boS
— Santosh Kumar J (@MPsantoshtrs) 1595757071000
Gives me immense happiness to play a small role in #GreenIndiaChallenge. My best wishes to @MPSantoshTRS garu... fo… https://t.co/bK1gK82y1R
— Anil Ravipudi (@AnilRavipudi) 1595753527000
from Telugu Movie News | Movie News in Telugu | Movie Gossips in Telugu https://ift.tt/2WZ8fAJ
v
No comments:
Post a Comment