‘ఉప్పెన’ ఫస్ట్ లుక్తోనే ఇండస్ట్రీ దృష్టిని తనవైపు తిప్పుకున్నారు మెగా హీరో వైష్ణవ్ తేజ్. మెగాస్టార్ చిరంజీవి మేనల్లుడు, సుప్రీం హీరో సాయి ధరమ్ తేజ్ తమ్ముడు వైష్టవ్ తేజ్ సినిమాతో హీరోగా పరిచయం అవుతుండటంతో ఈ సినిమాపై మంచి అంచనాలు ఏర్పడ్డాయి. ప్రముఖ దర్శకుడు సుకుమార్ తన సొంత నిర్మాణ సంస్థ సుకుమార్ రైటింగ్స్ బ్యానర్పై మైత్రీ మూవీ మేకర్స్తో కలిసి ఈ సినిమాను నిర్మిస్తున్నాడు. ఈ సినిమాతో సుకుమార్ దగ్గర దర్శకత్వ శాఖలో పనిచేసిన బుచ్చిబాబు దర్శకుడిగా పరిచయం అవుతున్నాడు. ఇక హీరోయిన్ క్రితి శెట్టి కూడా ఫ్రెష్ లుక్కి చాలా మంది యూత్ ఫిదా అయిపోతుండటంతో ‘ఉప్పెన’ చిత్రం కోసం ఎదురుచూస్తున్నారు చాలామంది. అయితే ఈ చిత్రం విజయం పట్ల ధీమాగా ఉన్న నిర్మాతలు.. లాక్ డౌన్ సడలింపుల్లో భాగంగా.. థియేటర్స్ ఓపెన్ చేస్తే తొలివారంలోనే ‘ఉప్పెన’ చిత్రాన్ని రిలీజ్ చేసి.. ఉప్పెన లాంటి కలెక్షన్లు రాబట్టేందుకు రెడీగా ఉన్నారు. ఈ చిత్రానికి ఎడిటింగ్ వర్క్ని పూర్తి చేశారట సీనియర్ ఎడిటర్ నవీన్ నూలి. 2.30 గంటల నిడివితో రన్ టైం ఇచ్చారట. తమిళ స్టార్ యాక్టర్ విజయ్ సేతుపతి ఈ చిత్రంలో ఒక కీలక పాత్ర పోషిస్తున్నారు. సుకుమార్ ఆస్థాన సంగీత దర్శకుడు దేవీ శ్రీ ప్రసాద్ ఈ సినిమాకు సంగీతం అందించగా.. నీ కళ్లు నీలి సముద్రం అనే పాట సంగీతం ప్రపంచంలో ‘ఉప్పెన’లా మారింది. ఇప్పుడు ఎక్కడ చూసినా ఇదే పాట వినిపిస్తోంది. ఈ పాటతో పాటు ధక్ ధక్ ధక్ ధక్ అనే పాట సైతం శ్రోతల్ని విపరీతంగా ఆకట్టుకుంటుంది. షామ్దత్ సైనుద్దీన్ సినిమాటోగ్రఫీ ఈ సినిమాకి మరో మేజర్ హైలైట్ కాగా.. 2.30 గంటల రన్ టైం కూడా ప్లస్ కాబోతుందని మేకర్స్ ఆనందం వ్యక్తం చేస్తున్నారు. ఎడిటింగ్ వర్క్ పూర్తి కావడంతో విజయంపై ధీమాతో చిరంజీవికి ఈ సినిమాను చూపించబోతున్నారు నిర్మాతలు. అనంతరం వెండితెరపై ఉప్పెనలా రాబోతున్నాడు మెగా హీరో.
from Telugu Movie News | Movie News in Telugu | Movie Gossips in Telugu https://ift.tt/3f5Ziwj
v
No comments:
Post a Comment