కరోనా వైరస్ కారణంగా ఏర్పడిన లాక్డౌన్ వల్ల సినీ నటులంతా ఇళ్లకే పరిమితమయ్యారు. ఇన్నాళ్లూ షూటింగ్లతో, సినిమా పనులతో బిజీగా గడిపిన నటీనటులు, టెక్నీషియన్లు ఇప్పుడు ఇళ్లలో తమ కుటుంబ సభ్యులతో సరదాగా గడుపుతున్నారు. సమయం దొరికినప్పుడల్లా తన పిల్లలు అయాన్, అర్హతో ఆడుకునే స్టైలిష్ స్టార్ .. ఇప్పుడు సమయమంతా వాళ్లకే కేటాయిస్తున్నారు. వాళ్లతో సరదాగా ఆటలాడుతున్నారు.. వాళ్లకు బోలెడన్ని కబుర్లు చెబుతున్నారు. తాజాగా అల్లు అయాన్తో అర్జున్ ఒక చిలిపి పని చేయించారు. యాపిల్ డివైజ్లలో ‘సిరి’ అనే అసిస్టెంట్ ఉంటుందని అందరికీ తెలిసిందే. అల్లు అర్జున్ చేతికి యాపిల్ వాచ్ ఉంది. దానిలోనూ ‘సిరి’ ఉంటుంది. దీన్ని తన బాబాయ్ అల్లు శిరీష్లా భావించి దానితో మాట్లాడాడు అల్లు అయాన్. తన తండ్రి అల్లు అర్జున్ సిరి అసిస్టెంట్ బటన్ ప్రెస్ చేస్తుంటే దానితో అయాన్ మాట్లాడాడు. ‘‘నీ పేరేంటి’’ అని అయాన్ అడగగానే.. సిరి అని సమాధానం ఇచ్చింది. ‘‘నువ్వు నా బాబాయ్వా’’ అని అడిగాడు అయాన్. అర్థం కాలేదని సిరి రిప్లై ఇచ్చింది. Also Read: ‘‘బాబాయ్ అంటే మా అంకుల్’’ అని చెప్పాడు అయాన్. అయినప్పటికీ తన వద్ద దానికి ఎలాంటి సమాధానం లేదని స్పష్టం చేసింది సిరి. అయినా, అయాన్ వదల్లేదు. ‘‘నువ్వు పెళ్లెప్పుడు చేసుకుంటావ్ బాబాయ్’’ అని పెద్ద ప్రశ్నే వేశాడు. ఈ వీడియోను అల్లు అర్జున్ సతీమణి అల్లు స్నేహ తన ఇన్స్టాగ్రామ్ అకౌంట్ ద్వారా షేర్ చేశారు. అల్లు వారి ఇంట్లో కుటుంబ సభ్యులు, సన్నిహితులు మాత్రమే అల్లు శిరీష్ను శిరి అని పిలుస్తుంటారు. దాన్ని యాపిల్ సిరితో ముడి పెట్టేశాడు అల్లు బుడ్డోడు. ఏదైతేనేం ఈ వీడియోతో అల్లు అర్జున్ ఫ్యాన్స్ ఆన్లైన్లో ఎంజాయ్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3h16trh
v
No comments:
Post a Comment