ప్రస్తుతం సమాజంలో యువతరం భవిష్యత్తును నాశనం చేస్తోన్న వాటిలో మాదకద్రవ్యాలు (డ్రగ్స్) ఒకటి. పోలీసు శాఖ ఎంత కట్టుదిట్టమైన చర్యలు తీసుకుంటున్నప్పటికీ మాదకద్రవ్యాల సరఫరా మాత్రం ఆగడంలేదు. ముఖ్యంగా నగరాల్లో యువత మత్తు వలయంలో చిక్కుకుంటోంది. సరదాగా సిగరెట్లు, మద్యంతో మొదలవుతూ డ్రగ్స్ తీసుకోవడం వరకు ఇది దారితీస్తోంది. డ్రగ్స్ మనకు మనం మన జీవితాల్లోకి ఆహ్వానించుకునే మహమ్మారి. దీని వల్ల బంగారు భవిష్యత్తు నాశనం కావడం తప్ప ఎలాంటి ప్రయోజనం లేదు. అందుకే, సమాజానికి ప్రమాదకరంగా మారిన మాదకద్రవ్యాలు, అక్రమ రవాణాకు వ్యతిరేకంగా అంతర్జాతీయ దినోత్సాన్ని జరుపుకుంటున్నారు. నేడు (జూన్ 26న) అంతర్జాతీయ మాదకద్రవ్యాల దుర్వినియోగం, అక్రమ రవాణా వ్యతిరేక దినోత్సవం. ఈ సందర్భంగా డ్రగ్స్ సేవించడం ఎంత హానికరమో, దాని వల్ల మన జీవితాలు ఏ విధంగా మారతాయో ప్రజల్లో అవగాహన కల్పించేకు ఆంధ్రప్రదేశ్ పోలీస్ శాఖ చిన్న ప్రయత్నం చేసింది. నేచురల్ స్టార్ నానితో కలిసి ఒక వీడియోను విడుదల చేసింది. ఈ వీడియోలో నాని ఒక మంచి మెసేజ్ను యువతకు ఇచ్చారు. Also Read: ‘‘మీరు లైఫ్లో చాలా ఎత్తుకు ఎదిగితే చూడాలని మీ ఫ్రెండ్స్, మీ ఫ్యామిలీ మెంబర్స్, మీ చుట్టూ ఉన్న సొసైటీలో చాలా మంది ఎదురుచూస్తారు. అదే మీరు ఎదగకుండా పాతాళానికి పడిపోతే చూడాలని ఒకడు ఎదురు చూస్తుంటాడు. అదే డ్రగ్స్. ఆ డ్రగ్స్ వైపు మీరు వేసే ఒకే ఒక్క తప్పటడుగు మీ లైఫ్ మీద మీకున్న కంట్రోల్ మొత్తాన్ని లాగేసుకుంటుంది. మిమ్మల్ని డ్రగ్స్కు బానిసలుగా మార్చి మీ నుంచి డబ్బులు సంపాదించాలనుకునే మాఫియాలు, బ్లాక్ మార్కెట్లు చాలానే ఉన్నాయి. అవన్నీ ఒకవైపు.. వాటిన్నిటినుంచీ మిమ్మల్ని కాపాడాలని కష్టపడుతోన్న వేలాది మంది పోలీసులు ఒకవైపు. మీరేవైపు. వాళ్లు చీకటితో చేస్తోన్న యుద్ధంలో మనం కూడా పాలు పంచుకుందాం. వాళ్లకు కొంచెం సహాయం చేద్దాం. మీ దగ్గర ఏమైనా సమాచారం ఉంటే, పోనీ మీ స్నేహితుల దగ్గర ఉంటే, మీకేమైనా తెలిస్తే పోలీసులకు తెలియజేయండి. మీ పేరు కూడా వాళ్లు బయటకి రానివ్వరు. ఈ చీకటిపై కలిసి పోరాడుదాం’’ అని వీడియోలో నాని వెల్లడించారు.
from Telugu Movie News | Movie News in Telugu | Movie Gossips in Telugu https://ift.tt/2YxnlP0
v
No comments:
Post a Comment