ఫ్యూచర్ సీఎం పవన్.. సీనియర్ కంటే జూ.ఎన్టీఆర్ బెటర్: స్టార్ డైరెక్టర్ షాకింగ్ కామెంట్స్

‘నా జీవితంలో ప్రతీ క్షణం నేను అనుకున్నదే చేయాలి.. నా జీవితంలో ఒక్క క్షణం కూడా వేరే వాడికి ఇవ్వను’ అని చెప్పుకునే సూపర్ సెల్ఫిష్ డైరెక్టర్ వర్మ.. అందరి జీవితాలపై కామెంట్స్ చేస్తుంటారు. హాట్ టాపిక్ అవుతుంది అంటే ఎవరిగురించి అయినా మాట్లాడి వివాదాలకు కేంద్ర బిందువు అవుతారు. ఎప్పుడు ఎవరి గురించి ఎలా మాట్లాడతారో అంచనా వేయలేం. ఎవర్ని పొగుడుతాడో.. ఎవర్ని తిడతాడో.. కూడా తెలియదు. గతంలో మెగా ఫ్యామిలీతో పాటు పవన్ కళ్యాణ్‌పై కూడా వివాదాస్పద వ్యాఖ్యలు చేసిన వర్మ తాజాగా పవర్ కళ్యాణ్‌ని సింగిల్ పీస్ అంటూ ఆకాశానికెత్తేశారు. లాక్ డౌన్‌లో క్లైమాక్స్, నగ్నం వంటి చిత్రాలతో బిజీగా ఉన్న వర్మ తాజాగా ప్రణయ్-అమృతల ప్రేమ కథను వాస్తవిక పరిస్థితుల ఆధారంగా ‘మర్డర్’ పేరుతో తెరకెక్కించే ప్రయత్నాలు చేస్తున్నారు. ఈ మూవీ ప్రమోషన్స్‌లో భాగంగా యూట్యూబ్ ఛానల్స్‌కి ఇంటర్వ్యూలు ఇస్తున్నారు వర్మ. ఈ ఇంటర్వ్యూలలో తన సినిమాలతో పాటు పర్శనల్ విషయాలు, రాజకీయాలు ఇతర అంశాలపై పలు ఆసక్తికరమైన విషయాలను తెలియజేస్తున్నారు వర్మ. పవర్ స్టార్ పవన్ కళ్యాణ్, జూనియర్ ఎన్టీఆర్‌లపై వర్మ చేసిన కామెంట్స్ హాట్ టాపిక్ అవుతున్నాయి. ఈ ఇద్దరి గురించి వర్మ మాట్లాడుతూ.. ‘నా దృష్టిలో బెస్ట్ సీఎం అంటూ ఎవరూ లేరు కాని.. ఫ్యూచర్ సీఎం అంటే పవన్ కళ్యాణ్. అతని గురించి ఒక్క వర్డ్‌లో చెప్పాలంటే వెరీ టఫ్. అతను చాలా యునిక్. వన్ పీస్ అతడు. ఈ వర్డ్‌లోనే సింగిల్ పీస్ అంటూ తెగ పొగిడేశారు వర్మ. ఇక మెగాస్టార్ చిరంజీవి గురించి మాట్లాడుతూ.. ‘సినిమాల పరంగా చిరంజీవి అంటే చాలా ఇష్టం. పొలిటీషియన్‌గా మాత్రం కాదు’ అని అన్నారు వర్మ. ఇక జూనియర్ గురించి మాట్లాడుతూ.. ‘జూనియర్ ఎన్టీఆర్ బెటర్ దెన్ సీనియర్ ఎన్టీఆర్’ అంటూ ఆసక్తికర కామెంట్స్ చేశారు వర్మ.

from Telugu Movie News | Movie News in Telugu | Movie Gossips in Telugu https://ift.tt/2NsOD2K
v