రజినీకాంత్‌కి కరోనా పాజిటివ్.. సూపర్ స్టార్ ఫ్యాన్స్ షాక్ .. చిక్కుల్లో పడిన యాక్టర్!

సూపర్ స్టార్ పాజిటివ్ అని సోషల్ మీడియాలో బాలీవుడ్ నటుడు రోహిత్ రాయ్ పోస్ట్ పెట్టడం సంచలనంగా మారింది. తమ అభిమాన హీరో రజినీకాంత్ బారిన పడ్డాడా? అని ఉలిక్కిపడ్డారు ఆ పోస్ట్ చూసిన నెటిజన్లు. ఆ తర్వాత అది నిజం కాదని తెలిసి ఊపిరి పీల్చుకున్న సూపర్ స్టార్ అభిమానులు.. సదరు పోస్ట్ క్రియేట్ చేసిన యాక్టర్‌‌పై ఓ రేంజ్‌లో విరుచుకుపడ్డారు. దీంతో ఈ పోస్ట్ పెట్టడానికి కారణం చెబుతూ తన ఉద్దేశాన్ని అర్థం చేసుకోండి అని కోరాడు రోహిత్ రాయ్. బాలీవుడ్ యాక్టర్ రోహిత్ రాయ్ త‌న ఇన్‌స్టాగ్రామ్ ద్వారా పోస్ట్ చేస్తూ.. కోలీవుడ్ సూప‌ర్ స్టార్ ర‌జ‌నీకాంత్‌కి కరోనా ప‌రీక్ష‌లు చేయగా పాజిటివ్ అని వ‌చ్చిందని, ప్రస్తుతం ఆ కరోనా క్వారంటైన్‌లో ఉంద‌ని పేర్కొన్నాడు. ఈ పోస్ట్‌కి క్యాప్షన్ పెడుతూ.. ఎక్కువసార్లు చేతులు కడుక్కోవడం, శానిటైజర్స్ ఉపయోగించడం, పారిశుధ్య చర్యలు తీసుకోవడం లాంటివి చేస్తేనే కరోనాని అరికట్టగలం అని తెలిపాడు. మొత్తంగా చూస్తే ఎంత గొప్పవ్యక్తి అయినా కరోనా పట్ల తగు జాగ్రత్తలు తీసుకోవాల్సిందే అని, కరోనాను అందరూ సమానమే అనేలా ఈ పోస్ట్ పెట్టాడు రోహిత్ రాయ్. కానీ రజినీకాంత్‌కి కరోనా పాజిటివ్ అనే పదాన్ని చూసి జీర్ణించుకోలేక పోయిన ఫ్యాన్స్ రోహిత్ రాయ్‌ని ట్రోల్స్ చేయడం ఆరంభించారు. చెత్త జోక్ వేశావు, అయినా జోక్ వేయడానికి హద్దు అదుపు ఉండాలి అంటూ ఆయనపై విరుచుకుపడుతున్నారు. ప్రస్తుతం ఈ పోస్ట్ నెట్టింట వైరల్ కావడమే గాక రోహిత్ రాయ్‌ని చిక్కుల్లో పడేసింది.

from Telugu Movie News | Movie News in Telugu | Movie Gossips in Telugu https://ift.tt/2AD74P8
v