కరెంట్ టాపిక్స్ని తన సినిమా కంటెంట్లుగా ఎంచుకుని ప్రమోషన్స్ అక్కర్లేని సినిమాలను తీయడంలో వర్మని కొట్టే వాళ్లు ఉండరనే చెప్పాలి. ప్రపంచాన్ని వణికిస్తున్న కరోనా మహమ్మారిపై తొలి నుంచి క్రియేటివ్ ట్వీట్లు వదిలిన వర్మ.. అది ఒక పురుగు అంటూ తన గొంతుతో జనాల్ని భయపెట్టేశాడు. తాజాగా లాక్డౌన్లోనూ సృజనాత్మకతకు తాళాలు వేయలేమంటూ ‘కరోనా వైరస్’ ఫీచర్ ఫిల్మ్ ట్రైలర్ను విడుదల చేశాడు వర్మ. ఇది వరకూ తమ్మో, దగ్గో వస్తే, జ్వరమో వస్తో అమ్మ కషాయం పెట్టేది? నాన్న ట్యాబ్లెట్ తీసి ఇచ్చేవాడు.. చెల్లో తమ్ముడో నీళ్లు పట్టుకుని వచ్చేవాళ్లు.. కాని ఇప్పుడు ఈ కరోనా మహమ్మారి వల్ల తమ్ము, దగ్గు వినిపిస్తే పాపంలా మారింది. తుమ్మినా, దగ్గినా బయటవాళ్ల సంగతి ఎలా ఉన్నా ఇంట్లో వాళ్లే భయంతో వణికి పోతున్నారు. ఇలాంటి వాస్తవ పరిస్థితుల్నే కరోనా వైరస్ ట్రైలర్లో చూపించారు వర్మ శిష్యుడు అగస్త్య మంజు. కరోనా నేపథ్యంలో ప్రజలు ఇళ్లల్లో భయంతోఎలా బిక్కుబిక్కుమంటూ జీవిస్తున్నారు? వారిలో ఉన్న భయాందోళనలు ఏంటి? లాంటి అంశాలను కళ్లకి కట్టినట్టు చూపించారు ఈ ట్రైలర్లో. వర్మ చిత్రాల్లో తరచుగా కనిపించే.. శ్రీకాంత్ అయ్యంగార్ ఈ ‘కరోనా వైరస్’ ఫిల్మ్లో లీడ్ రోల్ చేశారు. ఒక ఫ్యామిలీని కరోనా ఏవిధంగా చిన్నభిన్నం చేసిందనే కోణంలో ఈ చిత్రాన్ని రూపొందించారు. ట్రైలర్ ప్రారంభంలో కరోనా న్యూస్.. అలాగే ఎండింగ్లో జగన్, కేసీఆర్ల పారాసిటామాల్, బ్లీచింగ్ పౌడర్ డైలాగ్స్ హైలైట్గా నిలిచాయి. ఈ సినిమా మొత్తాన్ని లాక్డౌన్ పీరియడ్లో షూట్ చేశారు. ఇది కరోనా వైరస్ సబ్జెక్ట్ మీద తీసిన ప్రపంచంలోనే మొట్టమొదటి సినిమా కావడం విశేషం.
from Telugu Movie News | Movie News in Telugu | Movie Gossips in Telugu https://ift.tt/2LZQY4y
v
No comments:
Post a Comment