పుష్ప: హైలైట్‌గా లారీ ఛేజింగ్ సీన్.. సుకుమార్ కొత్త ప్లాన్

ప్రముఖ దర్శకుడు సుకుమార్, స్టైలిష్ స్టార్ అల్లు అర్జున్ కాంబినేషన్‌లో తెరకెక్కుతోన్న చిత్రం ‘పుష్ప’. బన్నీ సరసన రష్మిక హీరోయిన్‌గా కనిపించనుంది. పాన్ ఇండియా మూవీగా రూపొందుతున్న ఈ మూవీని మైత్రీ మూవీ మేకర్స్, ముత్తంశెట్టి మీడియా సంయుక్తంగా నిర్మిస్తున్నాయి. ‘అల‌ వైకుంఠపురములో’ వంటి ఇండ‌స్ట్రీ హిట్ త‌రువాత అల్లు అర్జున్ చేస్తున్న మూవీ కావ‌డంతో ఈ ప్రాజెక్ట్‌పై ఫ్యాన్స్‌తో పాటు ప్రేక్షకుల్లో కూడా భారీ అంచ‌నాలు నెల‌కొన్నాయి. అల్లు అర్జున్ పుట్టినరోజు సందర్భంగా విడుదల చేసిన ఫస్ట్ లుక్ పోస్టర్లు విశేషంగా ఆకట్టుకున్నాయి. లాక్‌డౌన్ పూర్తికాగానే ఈ సినిమా రెగ్యులర్ షూటింగ్ మొదలుకానుంది. ఎర్రచందనం దుంగల అక్రమ రవాణా నేపథ్యంలో ఈ సినిమా కథ సాగనుంది. శేషాచలం అడవుల్లో కథ నడుస్తుంది. అయితే, ఈ సినిమాలో ఒక భారీ యాక్షన్ సీన్ ఉందట. ఇది ఛేజింగ్ సీన్ అని.. ఓ రేంజ్‌లో ఉంటుందని ఇండస్ట్రీ వర్గాల టాక్. ఈ సినిమాలో బన్నీ ఎర్రచందనం దుంగలను తరలించే లారీ డ్రైవర్‌గా కనిపిస్తారని ఇప్పటికే వార్తలు వచ్చాయి. అతని లారీ పేరు కూడా ‘పుష్ప’ అని అన్నారు. ఈ లారీతో ఓ ఛేజింగ్ సీన్‌ను సుకుమార్ ప్లాన్ చేశారట. ఫారెస్ట్ అధికారులు తమ వాహనాలతో ఈ లారీని ఛేజ్ చేసే సీన్ ప్రేక్షకులకు గూస్ బంప్స్ ఇస్తుందని అంటున్నారు. Also Read: ఈ యాక్షన్ సీక్వెన్స్‌ను డైరెక్ట్ చేయడానికి ముందు ఒక హాలీవుడ్ యాక్షన్ డైరెక్టర్‌ను అనుకున్నారట. కానీ, లాక్‌డౌన్ ముగిసినా హాలీవుడ్ యాక్షన్ డైరెక్టర్‌ను ఇండియాకు రప్పించలేని పరిస్థితి. అందుకనే, ఇండియాలోనే టాప్ యాక్షన్ డైరెక్టర్ల పేర్లను సుకుమార్ పరిశీలిస్తున్నారు. వీరిలో పీటర్ హెయిన్, కణల్ కణ్ణన్ వంటి సీనియర్ స్టంట్ మాస్టర్లు ఉన్నట్టు సమాచారం. వాస్తవానికి సినిమా షూటింగ్ ఇప్పటికే చాలా వరకు ముగియాల్సి ఉంది. కానీ, లాక్‌డౌన్ కారణంగా కుదరలేదు. కాబట్టి, లాక్‌డౌన్ ఎత్తిన వెంటనే నిరంతరాయంగా షూటింగ్ చేయాలని సుకుమార్ చూస్తున్నారట. కాగా, ఈ సినిమాను తెలుగుతో పాటు హిందీ, తమిళం, మలయాళం, కన్నడ భాషల్లో ఒకేసారి తెరకెక్కించనున్నారు. ‘ఆర్య’, ‘ఆర్య 2’ చిత్రాల తరువాత స్టైలిష్ స్టార్ అల్లు అర్జున్, సుకుమార్ కాంబినేషన్‌లో వస్తోన్న సినిమా ఇది. అంతేకాదు, ‘రంగస్థలం’ వంటి బ్లాక్ బస్టర్ తరవాత సుకుమార్ దర్శకత్వంలో వస్తోన్న మూవీ. రాక్‌స్టార్ దేవీశ్రీ ప్రసాద్ ఈ సినిమాకు సంగీతం సమకూరుస్తున్నారు. మిరోస్లోవ్ కుబ బ్రోజెక్ సినిమాటోగ్రఫీ అందిస్తున్నారు. కార్తిక్ శ్రీనివాస్ ఎడిటర్.

from Telugu Movie News | Movie News in Telugu | Movie Gossips in Telugu https://ift.tt/2SsaSIT
v