సాయి తేజ్ ‘నో పెళ్లి’.. సర్‌ప్రైజ్ ఇస్తానంటోన్న తమన్

సుప్రీం హీరో సాయి ధరమ్ తేజ్, ఇస్మార్ట్ బ్యూటీ నభా నటేష్ జంటగా నటిస్తున్న చిత్రం ‘సోలో బ్రతుకే సో బెటర్’. సుబ్బు దర్శకత్వం వహిస్తున్నారు. బాపినీడు. బి సమర్పణలో శ్రీ వెంకటేశ్వర సినీ చిత్ర ఎల్ఎల్‌పి (SVCC) బ్యానర్‌పై బీవీఎస్ఎన్ ప్రసాద్ నిర్మిస్తున్నారు. తమన్ సంగీతం సమకూరుస్తున్నారు. ఇప్పటికే విడుదలైన ఈ చిత్ర థీమ్ వీడియో అభిమానులను విపరీతంగా ఆకట్టుకుంది. ఇప్పుడు ఈ చిత్రం నుంచి తొలి పాటను విడుదల చేస్తున్నారు. రేపు (మే 25న) ఉదయం 10 గంటలకు ఈ పాట విడుదల కానుంది. ఈ విషయాన్ని చిత్ర సంగీత దర్శకుడు తమన్ వెల్లడించారు. ఈ మేరకు ఒక వీడియో మెసేజ్‌ ద్వారా ప్రకటించారు. Also Read: ‘‘ఇలాంటి కఠిన పరిస్థితుల్లో ‘సోలో బ్రతుకే సో బెటర్’ సినిమా నుంచి తొలిపాటను మీ ముందుకు తీసుకొస్తున్నాం. మీకు ఈ పాట నచ్చుతుందని ఆశిస్తున్నాను. నన్ను, సాయి ధరమ్ తేజ్‌ను, లిరిక్ రైటర్ రఘురాం, సింగర్ అర్మాన్ మాలిక్, డైరెక్టర్ సుబ్బు, మొత్తం ‘సోలో బ్రతుకే సో బెటర్’ టీమ్‌ను ఆశీర్వదిస్తారని ఆశిస్తున్నాను. ఇంత మంచి అవకాశం ఇచ్చిన నా అంకుల్, నిర్మాత బీవీఎస్ఎన్ ప్రసాద్ గారికి, బాపికి కృతజ్ఞతలు. ఈ పాట మీకు నచ్చుతుందని, ఎంజాయ్ చేస్తారని అనుకుంటున్నాను. పాట పేరు ‘నో పెళ్లి’. ఈ పాటలో బోలెడంత ఫన్ ఉంటుంది. బోలెడన్ని సర్‌ప్రైజ్‌లు ఉంటాయి. రేపు ఉదయం 10 గంటలకు సిద్ధంగా ఉండండి’’ అని తమన్ తన వీడియోలో వెల్లడించారు. ఇదిలా ఉంటే, కిందటేడాది ‘చిత్రల‌హ‌రి’, ‘ప్రతిరోజూ పండ‌గే’ చిత్రాల‌తో వ‌రుస విజ‌యాల‌ను సొంతం చేసుకున్న సాయి తేజ్ ఈ ఏడాది కూడా వరుసపెట్టి సినిమాలు చేస్తున్నారు. ‘సోలో బ్రతుకే సో బెటర్’ సినిమాతో దేవా క‌ట్ట ద‌ర్శక‌త్వంలో మరో సినిమా చేస్తున్నారు. లాక్‌డౌన్‌కు కొన్ని రోజుల ముందు లాంఛ‌నంగా ప్రారంభ‌మైన ఈ చిత్రాన్ని జె.బి.ఎంట‌ర్‌టైన్‌మెంట్స్ బ్యాన‌ర్‌పై జె.భగవాన్, జె.పుల్లారావు నిర్మిస్తున్నారు. ఈ సినిమాలో జగపతిబాబు కీలక పాత్ర పోషిస్తున్నారు. మణిశర్మ సంగీతం సమకూరుస్తుండగా.. శ్యామ్ దత్ సినిమాటోగ్రఫీ అందిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/36rSaac
v