మంటల్లో దేవభూమి... హృదయాల్ని దహిస్తుందన్న సినీ ప్రముఖులు

ఓవైపు కరోనా వైరస్ జనాన్ని పట్టి పీడిస్తుంటే... మరోవైపు ప్రకృతి సైతం కన్నెర్ర చేస్తోంది. ఎండలు మండిపోతున్నాయి. పలుచోట్ల భూకంపాలు సంభవిస్తున్నాయి. తాజాగా దేవభూమిగా భావించే ఉత్తరాఖండ్ అటవీ ప్రాంతం అగ్నికి ఆహుతవుతోంది. నాలుగు రోజుల నుంచి అడవుల్లో మంటలు వ్యాపించాయి. దావానంలా వ్యాపించి వేలాది అరుదైన వృక్షాలు, ఔషధ మొక్కలు మంటల్లో కాలిపోతున్నాయి. వందల సంఖ్యలో వన్య ప్రాణులు సజీవ దహనం అవుతున్నాయి. గతేడాది ఆస్ట్రేలియా కార్చిచ్చు వ్యాపించిన విషయం మనకు తెలిసిందే. దేవ భూమి కార్చిచ్చుపై టాలీవుడ్ సెలబ్రిటీలంతా స్పందిస్తున్నారు. మంచు మనోజ్, మంచు లక్ష్మీ, అనసూయ భరద్వాజ్ ట్వీట్లు చేస్తున్నారు. ఈ వార్త తనను దహించి వేస్తుందన్నారు హీరో మంచు మనోజ్. ప్రకృతి మనం కాపాడుకోవాల్సిన సమయం వచ్చిందంటూ ఆయన ట్వీట్ చేశారు. మంటల్లో దేవ భూమి కాలిపోతోంది.. ఈ వార్త నన్ను షాక్‌కు గురిచేసిందంటూ మంచు లక్ష్మీ పోస్టు చేశారు. ప్రముఖ యాంకర్ అనసూయ కూడా దేవభూమి కార్చిచ్చుపై స్పందిందింది. ‘అసలు ఏం జరుగుతోంది. ఓ భగవంతుడు దయ చూపు. మనం ఇక్కడ ప్రశాంతంగా ఇళ్లలో కూర్చుంటే.. అక్కడ అడవుల్లో అనేక జంతువులు మంటల్లో కాలి సజీవదహనం అవుతున్నాయి. దయచేసి సంబంధిత అధికారులు దీనిపై చర్యలు తీసుకోండి. ఐ హేట్ 2020. ’అంటూ అనసూయ ట్వీట్ చేసింది. ఎండ తీవ్రత వల్లే మంటలు ఉత్తరాఖండ్ అడవుల్లో మంటలు చెలరేగాయని అనుమానిస్తున్నారు. రాజధాని డెహ్రాడూన్ సహా నాలుగు ఆరు జిల్లాల్లో కార్చిచ్చు అంటుకుంది. 51.34 హెక్టార్ల మేర అటవీ ప్రాంతం మంటల బారిన పడినట్లు అధికారులు నిర్ధారించారు. మంటల తీవత్ర మరింత విస్తరించే ప్రమాదం లేకపోలేదని అనుమానిస్తున్నారు. ఉత్తరాఖండ్ హిమాలయా పర్వత పంక్తులకు దగ్గరగా ఉంటుంది. అరుదైన జాతికి చెందిన వృక్షాలు, ఔషధ మొక్కలకు ఉత్తరాఖండ్ నిలయం. నాలుగు రోజులుగా అక్కడ చెలరేగుతున్న మంటల వల్ల చాలామటుకు అహూతి అయినట్లు అధికారులు చెబుతున్నారు. పక్షులు, వన్యప్రాణులు సజీవ దహనం అవుతున్నాయి. వరుసగా నాలుగోరోజు కూడా మంటలను నియంత్రించడంలో విఫలమైంది అక్కడి ప్రభుత్వం.

from Telugu Movie News | Movie News in Telugu | Movie Gossips in Telugu https://ift.tt/2yBGKUZ
v