నటుడు, నిర్మాత ఎప్పుడు ఏం మాట్లాడతారో ఎవరికీ తెలియదు. కమెడియన్ స్థాయి నుంచి అగ్ర నిర్మాత స్థాయికి ఎదిగిన బండ్ల గణేష్.. తనకు స్వల్ప కాలంలో వచ్చిన నేమ్ అండ్ ఫేమ్ని నిలుపుకోలేకపోయారు. పాతికకు పైగా చిత్రాల్లో నటించి.. రవితేజ ‘ఆంజనేయులు’ చిత్రంతో నిర్మాతగా మారిన బండ్ల గణేష్.. తీన్మార్, గబ్బర్ సింగ్, బాద్ షా, ఇద్దరు అమ్మాయిలతో, గోవిందుడు అందరి వాడేలే, టెంపర్ లాంటి చిత్రాలను భారీ బడ్జెట్తో నిర్మించారు. ఇతనికి చాలా మంది ఫైనాన్షియల్ సపోర్ట్ ఉన్నప్పటికీ నిర్మాతగా బండ్ల గణేష్ బడా నిర్మాత అనిపించుకున్నారు. పవన్ కళ్యాణ్తో తీన్మార్, గబ్బర్ సింగ్ లాంటి వరుస చిత్రాలు నిర్మించడంతో ఆయనకు భక్తుడిగా మారిపోయారు బండ్ల గణేష్. సమయం వచ్చిన ప్రతిసారి మైక్ పట్టుకుంటే తన వీర భక్తిని చాటుకుంటూనే ఉన్నారు బండ్ల గణేష్. అయితే నిర్మాత అప్ అండ్ డౌన్స్ చూసిన బండ్ల గణేష్.. పాలిటిక్స్లోకి వచ్చి అట్టర్ ఫ్లాప్ అయ్యారు. సినిమాల్లో కమెడియన్ పాత్రకు పూర్తి న్యాయం చేయకపోయినా.. పాలిటిక్స్ మాత్రం కమెడియన్గానే మిగిలిపోయారు. కాంగ్రెస్ పార్టీలో జాయిన్ అయిన బండ్ల గణేష్.. 2019 ఎన్నికల్లో కాంగ్రెస్ అధికారంలోకి రాకపోతే 7 ఓ క్లాక్ బ్లేడ్తో పీక కోసుకుంటా అంటూ బహిరంగ సవాల్ చేశారు. అసలు ఆయనకు సీటు ఇవ్వకుండానే టీవీ చర్చలకు వెళ్లి ఎమ్మెల్యేగా ప్రమాణ స్వీకారం చేయడం.. ఈయన పొలిటికల్ కామెడీ సీన్లలో మచ్చుతునకలు. ఇకపోతే ఎన్నికల తరువాత నాకు బుద్దొచ్చింది బాబోయ్.. ఇక రాజకీయాల జోలికి పోను.. ఇక సినిమాలు చేసుకుంటా.. పౌల్ట్రీని నడుపుకుంటా అంటూ తన పాత పని మొదలుపెట్టిన బండ్ల గణేష్.. ‘సరిలేరు నీకెవ్వరు’ చిత్రంలో బ్లేడ్ పట్టుకుని కనిపించారు. ఇక ఈ మధ్య కాలంలో తెలంగాణ ముఖ్యమంత్రి కేసీఆర్పై ప్రశంసలు కురిపిస్తూ ఆయన చేసిన ట్వీట్లు.. అప్పట్లో పవన్ కళ్యాణ్పై చేసిన పొగడ్తల వర్షాన్ని మించిపోయాయి. కేసీఆర్ని దేవుడిగా కొలుస్తూ చాలా ట్వీట్లు చేశారు బండ్ల గణేష్. తాజాగా ఆయనపై ట్రోల్స్ ఎక్కువగా వస్తుండటంతో వాటిపై స్పందిస్తూ ట్వీట్ పెట్టారు బండ్ల గణేష్. ‘నా పై వచ్చే విమర్శలు నేను ఎప్పుడు చదవను.. ఎందుకంటే అవి నేనంటే నచ్చని వారి కోసం రాసినవి. నేనేంటో నాకు తెలుసు. నా అభిప్రాయాన్ని రాస్తూ ఉంటా నేను ఎవరికీ బానిసని కాదు’ అంటూ ట్వీట్ వదిలారు బండ్ల గణేష్.
from Telugu Movie News | Movie News in Telugu | Movie Gossips in Telugu https://ift.tt/3aQSRKH
v
No comments:
Post a Comment