తెలుగు సినీ పరిశ్రమలో స్వయంకృషితో ఎదిగిన నటుల్లో శ్రీకాంత్ ఒకరు. కెరీర్ ప్రారంభంలో నెగిటివ్ రోల్స్లో నటించిన శ్రీకాంత్.. ఆ తరవాత హీరోగా ఎదిగారు. మంచి గుర్తింపు తెచ్చుకున్నారు. ఎన్నో సూపర్ హిట్లను తన ఖాతాలో వేసుకున్నారు. అయితే, ప్రస్తుతం హీరోగా తన మార్కెట్ తగ్గడంతో క్యారెక్టర్ ఆర్టిస్ట్గా కూడా నటిస్తున్నారు శ్రీకాంత్. ‘గోవిందుడు అందరివాడేలే’, ‘సరైనోడు’ సినిమాల్లో శ్రీకాంత్ చేసిన పాత్రలు హైలైట్ అయ్యాయి. అయితే, అక్కినేని నాగచైతన్య ‘యుద్ధం శరణం’ సినిమాతో శ్రీకాంత్ విలన్గా మారారు. ఇదిలా ఉంటే, ఇప్పుడు మరోసారి శ్రీకాంత్ విలన్గా నటించబోతున్నారని ఇండస్ట్రీ టాక్. అదీ నందమూరి బాలకృష్ణ సినిమాలో అట. ప్రస్తుతం బోయపాటి శ్రీను దర్శకత్వంలో బాలకృష్ణ సినిమా చేస్తోన్న సంగతి తెలిసిందే. ‘సింహా’, ‘లెజెండ్’ సినిమాల తర్వాత వీరిద్దరి కాంబినేషన్లో వస్తోన్న చిత్రం కావడంతో అంచనాలు భారీగా ఉన్నాయి. ఇప్పటి వరకు చూడని విధంగా బాలకృష్ణను చూపించబోతున్నానని, అంచనాలకు ఎక్కడా తగ్గకుండా సినిమా ఉంటుందని ఇప్పటికే బోయపాటి స్పష్టం చేశారు. బాలయ్యను అఘోరాగా చూపించబోతున్నట్టు చెప్పారు. ఇప్పుడు బాలయ్యకు విలన్గా శ్రీకాంత్ అనే వార్త ఆసక్తిని పెంచుతోంది. Also Read: ఈ వార్తలో నిజమెంతో తెలీదు కానీ.. ఒక వేళ శ్రీకాంత్ విలన్ అయితే ఆయన్ని బోయపాటి ఎలా చూపిస్తారో చూడాలి. ఎందుకంటే, ‘లెజెండ్’ సినిమాలో జగపతిబాబును బోయపాటి విలన్గా పరిచయం చేశారు. ఆ సినిమా జగపతిబాబు కెరీర్ గ్రాఫ్ను ఒక్కసారిగా పైకి తీసుకెళ్లింది. ‘లెజెండ్’ తరవాత జగపతిబాబు దక్షిణాదిలోనే ది బెస్ట్ విలన్గా, క్యారెక్టర్ ఆర్టిస్టుగా సెటిల్ అయిపోయారు. స్టార్ హీరోలందరికీ ఆయన మెయిన్ విలన్గా మారారు. మరి, శ్రీకాంత్ను కూడా బోయపాటి అలా మారుస్తారేమో చూడాలి.
from Telugu Movie News | Movie News in Telugu | Movie Gossips in Telugu https://ift.tt/35JTwgf
v
No comments:
Post a Comment