హరీష్ శంకర్ కొత్త సినిమా.. ‘గద్దలకొండ గణేష్’ నిర్మాతల కీలక ప్రకటన

‘మిరప‌కాయ్‌’తో సూప‌ర్‌ హిట్.. ‘గ‌బ్బర్‌సింగ్‌’తో బ్లాక్ బస్టర్ అందుకున్న దర్శకుడు హ‌రీష్ శంక‌ర్‌. కిందటేడాది ఆయన దర్శకత్వంలో వచ్చిన ‘గద్దలకొండ గణేష్’ సినిమా ప్రేక్షకాదరణ పొందింది. 14 రీల్స్ ప్లస్ బ్యాన‌ర్‌పై రామ్ ఆచంట‌, గోపి ఆచంట ఈ చిత్రాన్ని నిర్మించారు. హరీష్‌ శంకర్‌తో ఫస్ట్ కాంబినేషనే సూపర్ హిట్ కావడంతో ఆయనతో మరోసారి కలిసి పనిచేస్తున్నారు ఈ నిర్మాతలు. ఈ విషయాన్ని వారే స్వయంగా ప్రకటించారు. ‘‘గ‌ద్దల‌కొండ గ‌ణేష్‌ సినిమాతో బ్లాక్‌ బ‌స్టర్ హిట్ సాధించాం. ఇప్పుడు మ‌రోసారి ప‌వ‌ర్‌ఫుల్ డైరెక్టర్ హ‌రీష్ శంక‌ర్‌ గారితో కలిసి ఓ క్రేజీ ప్రాజెక్ట్ కోసం ప‌నిచేయ‌బోతున్నందుకు ఆనందంగా ఉంది. త్వర‌లోనే మ‌రిన్ని వివ‌రాల‌ను తెలియ‌జేస్తాం’’ అని రామ్ ఆచంట, గోపి ఆచంట సంయుక్త ప్రకటనలో పేర్కొన్నారు. ఈ ప్రకటనలో సినిమా వివరాలు వెల్లడించనప్పటికీ ఇది పవన్ కళ్యాణ్ సినిమా అనే అనుమానం కలుగుతోంది. Also Read: హరీష్ శంకర్ దర్శకత్వంలో పవన్ కళ్యాణ్ సినిమా అంగీకరించిన విషయం తెలిసిందే. దేవీశ్రీ ప్రసాద్ ఈ సినిమాకు సంగీతం సమకూరుస్తున్నారు. అయితే, ఈ సినిమా ఏ బ్యానర్‌లో చేయనున్నారనే విషయాన్ని ఇప్పటి వరకు ప్రకటించలేదు. ఇప్పుడు 14 రీల్స్ ప్లస్ సంస్థ వచ్చి తాము హరీష్ శంకర్‌తో మరో సినిమా చేస్తున్నామని ప్రకటించింది. ఇప్పుడు హరీష్ శంకర్.. పవన్ సినిమా స్క్రిప్ట్‌తోనే బిజీగా ఉన్నారు కాబట్టి.. కచ్చితంగా 14 రీల్స్ ప్లస్ చేసే సినిమా ఇదేనని ఇండస్ట్రీ టాక్. మరి ఈ విషయం ఖరారు కావాలంటే అధికారిక ప్రకటన వచ్చే వరకు ఆగాల్సిందే.

from Telugu Movie News | Movie News in Telugu | Movie Gossips in Telugu https://ift.tt/3fY1yGZ
v