జూనియర్ ఎన్టీఆర్ వాయిస్లో గాంభీర్యం ఉంటుంది. ఆయన డైలాగ్ డెలివరీలో మ్యాజిక్ ఉంటుంది. తన డైలాగులతో ప్రతి ఒక్కరినీ ఇట్టే ఆకట్టేస్తారు ఎన్టీఆర్. అయితే, తెలుగులోనే కాదు ఏ భాషలోనైనా ఆయన డైలాగ్ డెలివరీలో తేడా ఉండదని ఇటీవల విడుదలై ‘RRR’ (రౌద్రం రుధిరం రణం) వీడియో ద్వారా అర్థమైంది. రామ్ చరణ్ పుట్టినరోజు సందర్భంగా ‘RRR’ సినిమాలో అల్లూరి సీతారామరాజు పాత్రను పరిచయం చేస్తూ ఒక వీడియోను విడుదల చేసిన సంగతి తెలిసిందే. ఈ వీడియోలో ఎన్టీఆర్ వాయిస్ ఓవర్ బాగా హైలైట్ అయ్యింది. ఒక్క మలయాళం మినహా అన్ని భాషల్లో ఆయనే వాయిస్ ఇచ్చారు. ఈ వీడియోకు ప్రేక్షకుల నుంచి మంచి స్పందన రావడం, ఎన్టీఆర్ వాయిస్ ఓవర్కు ప్రశంసలు అందడంతో సినిమా మొత్తం అన్ని భాషల్లో ఆయనే డబ్బింగ్ చెప్పాలని భావించారట. రాజమౌళి కూడా ఇదే విషయాన్ని ఎన్టీఆర్కు సూచించారట. దీంతో ప్రస్తుతం ఎన్టీఆర్ ఆయా భాషలు, యాసలు నేర్చుకుంటున్నారని టాక్. లాక్డౌన్ కారణంగా ఇంట్లోనే ఉంటున్న ఎన్టీఆర్ మలయాళం భాష నేర్చుకుంటున్నారని ఇప్పటికే రూమర్ ఒకటి బయటికి వచ్చింది. అయితే, మలయాళం మాత్రమే కాకుండా కన్నడ, తమిళ్, హిందీలో కూడా పర్ఫెక్ట్గా ఆయా యాసల్లో డైలాగులు చెప్పడం ప్రాక్టీస్ చేస్తున్నారట ఎన్టీఆర్. Also Read: ప్రస్తుతానికి అయితే ఇది రూమర్ మాత్రమే. చిత్ర యూనిట్ నుంచి ఎలాంటి సమాచారం లేదు. కానీ, ఇండస్ట్రీ వర్గాలు మాత్రం ఈ విషయం గురించి బాగా చర్చించుకుంటున్నాయి. కేవలం ఎన్టీఆర్ ఒక్కరే అన్ని భాషల్లో డబ్బింగ్ చెబుతారా? లేదంటే రామ్ చరణ్ కూడా చెబుతారా? అనే విషయాలపై స్పష్టత రావాల్సి ఉంది. నిజానికి అన్ని భాషల్లో డబ్బింగ్ చెప్పడమంటే పెద్ద పనే. కానీ, పర్ఫెక్షన్ కోసం రాజమౌళి ఎక్కడి వరకైనా వెళ్తారు.. ఎవరినైనా ఒప్పిస్తారు. మరి చూద్దాం ఈ రూమర్లో నిజమెంతో.
from Telugu Movie News | Movie News in Telugu | Movie Gossips in Telugu https://ift.tt/2x8cH6A
v
No comments:
Post a Comment