కృష్ణస్వామి శ్రీకాంత్ అయ్యంగార్ అంటే తెలుగు ప్రేక్షకులకు పెద్దగా తెలియదు కాని.. ఫేస్ చూస్తో ఈయనా.. భలే నటిస్తారే అని వెంటనే గుర్తుపడతాడు. రీసెంట్గా సాయితేజ్ ‘ప్రతిరోజు పండుగ’ చిత్రంలో తండ్రి బతికి ఉండగానే సమాధి కట్టించే సీన్లో నవ్వులు పూయించారు. ఇక కమ్మ రాజ్యంలో కడప రెడ్లు, డియర్ కామ్రేడ్, బ్రోచేవారెవరురా తదితర చిత్రాల్లో విలక్షణ నటుడిగా పేరొందారు. ఇండస్ట్రీలో ముక్కుసూటిగా మాట్లాడే వ్యక్తుల్లో ఒకరైన ఈయన టాలీవుడ్లో ఆర్టిస్ట్ల మధ్య ఉండే పోటీపై స్పందిస్తూ నటుడు రావు రమేష్పై ఆసక్తికరమైన కామెంట్స్ చేశారు. బాధ్యతగా ఎవరిపనులు వాళ్లు చేసుకుని ఏదోటి సాధించాలనే వ్యక్తులు పోటీ గురించి పెద్దగా పట్టించుకోరు. ఇతరులపై కామెంట్ చేయడానికి ఇలాంటి వాళ్లకు టైం ఉండదు. నేనే కలిసి నటించిన నటీనటులు అందరూ మంచి వాళ్లే అనేది నా ముఖ్యం. ఇంకొకర్ని తొక్కాలనే ఉద్దేశం ఉండదు. నాకన్నా గొప్ప నటుడు వస్తే.. అతన్ని చూసి కొంత నేర్చుకుంటా. ఇండస్ట్రీలో ఒకర్ని తొక్కేయడం అనేది జరగదు. ఒకవేళ అలా జరిగింది అంటే.. నాకన్నా అతను మంచి నటుడు కాబట్టి అతనికి అవకాశాలు వెళ్తున్నాయి. అప్పుడు నాలో ఉన్న పనితనం ప్రతిభను పెంచుకోవాలి.. బెటర్ అవ్వాలని నేను ప్రయత్నిస్తా. కాంపిటేషన్ అనేది చాలా మంచిది. ఉండాలి కూడా. రావు రమేష్ గారు.. తిమింగల స్వరూప. అతను అద్భుత నటుడు. అతనితో నాకు పోటీ ఏంటి? అతనికి ఎందుకు అన్ని అవకాశాలు వస్తున్నాయో నాకు తెలుసు. అతని స్థాయి ఎక్కువ.. నా స్థాయి తక్కువ. ప్రొఫెషనల్గా ఆయన అద్భుతమైన నటుడు. అతని నటన గురించి చెప్పాలంటే మన చెవులు పట్టుకోవాలి.. నటనలో ఆయన పుడింగి. అట్లాంటి వ్యక్తికి అవకాశాలు రాకుండా నా లాంటి వాడికి ఎందుకు వస్తాయి. అతను నాకంటే బాగా చేస్తారు కాబట్టే ఆఫర్స్ వస్తున్నాయి. నేను అతని కంటే బాగా చేస్తే నాకు వచ్చేవి.. నా స్థాయిని నేను పెంచుకునే ప్రయత్నం చేస్తున్నా కాబట్టి.. అవకాశాలు రావొచ్చు’ అంటూ నిజాన్ని నిర్భయంగా చెప్పుకొచ్చారు నటుడు శ్రీకాంత్ అయ్యర్.
from Telugu Movie News | Movie News in Telugu | Movie Gossips in Telugu https://ift.tt/3cURcWe
v
No comments:
Post a Comment