ప్రపంచాన్ని వణికిస్తోన్న కరోనా వైరస్ను మన దేశం నుంచి తరిమికొట్టేందుకు కేంద్ర ప్రభుత్వంతో పాటు రాష్ట్ర ప్రభుత్వాలు ఎన్నో ప్రయత్నాలు చేస్తున్నాయి. ఈ వైరస్ వ్యాప్తిని ఆపాలంటే లాక్డౌన్ ఒక్కటే మార్గమని భావించి 21 రోజులపాటు దేశ వ్యాప్తంగా లాక్డౌన్ను విధించారు. ప్రజలు ఇళ్లలోనే ఉండాలని.. అత్యవసరం అయితే తప్ప బయటకు రావద్దని ప్రభుత్వాలు సూచించాయి. అయినప్పటికీ కొంత మంది బయట తిరుగుతున్నారు. అవసరం లేకపోయినా రోడ్లపైకి వస్తున్నారు. అలాంటి వారికి పోలీసులు నచ్చజెబుతున్నారు. వినకపోతే లాఠీ ఝుళిపిస్తున్నారు. ఇలాంటి క్లిష్ట పరిస్థితులో మనమంతా ఇళ్లలో సురక్షితంగా ఉంటే.. పోలీసులు మాత్రం రాత్రింబవళ్లు రోడ్లపైనే ఉంటూ లాక్డౌన్ కట్టుదిట్టంగా అమలయ్యేలా కృషిచేస్తున్నారు. ఇళ్లకు కూడా వెళ్లకుండా తమ బాధ్యతలు నిర్వర్తిస్తున్నారు. రోడ్లపై డ్యూటీలు చేస్తోన్న పోలీసుల ఆత్మవిశ్వాసం దెబ్బతినకుండా ఉన్నతాధికారులు సైతం వారి వద్దకు వచ్చి ధైర్యం చెబుతున్నారు. మనమే హీరోలమంటూ వారిలో ఉత్తేజాన్ని నింపుతున్నారు. సెలబ్రిటీలు సైతం పోలీసులకు మద్దతుగా సోషల్ మీడియాలో పోస్టులు పెడుతున్నారు. ప్రత్యేకంగా వీడియోలు చేస్తున్నారు. Also Read: మెగాస్టార్ చిరంజీవి సైతం పోలీసుల కృషిని కొనియాడుతూ ఒక వీడియో మెసేజ్ను విడుదల చేశారు. శుక్రవారం తన ట్విట్టర్ ఖాతాలో ఈ వీడియోను పోస్ట్ చేశారు. ‘‘రెండు తెలుగు రాష్ట్రాల పోలీసుల పనితీరు అద్భుతం. నిద్రహారాలు కూడా మాని వాళ్లు పడుతున్నటువంటి కష్టం అంతా ఇంతా కాదు. నేను హైదరాబాద్లోనే స్వయంగా చూస్తున్నాను.. వారి పనితీరు వల్ల లాక్డౌన్ చాలా విజయవంతంగా జరుగుతోంది. అలా జరగడం వల్లే ఈ కరోనా విజృంభన చాలా వరకు అదుపులోకి వచ్చింది. సామాన్య ప్రజలు కూడా పోలీసులకు సహకరించాలని వేడుకుంటున్నాను. ఈ కరోనాను తుదముట్టించడంలో, అంతమొందించడంలో వారికి చేదోడు వాదోడుగా మనందరం ఉండాలి.. సహకరించాలి. పోలీసు వారు చేస్తోన్న ఈ అమోఘమైన ప్రయత్నానికి పోలీసు బిడ్డగా వారికి చేతులెత్తి సెల్యూట్ చేస్తున్నాను’’ అని వీడియోలో చిరంజీవి వెల్లడించారు.
from Telugu Movie News | Movie News in Telugu | Movie Gossips in Telugu https://ift.tt/2VggmHv
v
No comments:
Post a Comment