సినీ ఇండస్ట్రీలో మహిళలపై లైంగిక వేధింపులు జరిగేమాట వాస్తవమే అని ఇప్పటికే ఎందరో హీరోయిన్స్ ఓపెన్గా చెప్పేశారు. 'మీటు, క్యాస్టింగ్ కౌచ్' లాంటి ఉద్యమాల ప్రభావంతో నటీమణులు తమపై జరుగుతున్న లైంగిక వేధింపుల తాలూకు విషయాలను బాహాటంగా బయటపెడుతున్నారు. వెండితెర, బుల్లితెర, హాలీవుడ్, బాలీవుడ్, టాలీవుడ్ ఇలా అంతటా లైంగిక వేధింపులు జరుగుతూనే ఉన్నాయని చెబుతున్నారు. ఈ నేపథ్యంలోనే తాజాగా హీరోయిన్ నోరువిప్పి తాను ఎదుర్కొన్న లైంగిక వేధింపుల గురించి చెప్పింది. దాదాపు 8 సంవత్సరాల క్రితం ఓ నిర్మాత తనను రూమ్కి పిలిచి డ్రెస్ విప్పేయ్ అంటూ నానా రచ్చ చేశాడని తెలిపింది. సీరియల్లో అవకాశం ఇస్తానని చెప్పి ఆడిషన్స్కి పిలిచి 'ఆ టాప్ తీసేయ్.. నేను చూడాలి' అంటూ తనతో అసభ్యకరంగా ప్రవర్తించాడని చెప్పింది. పైగా ఆ నిర్మాత వయసు 65 సంవత్సరాలు ఉంటుందని హీరోయిన్ మల్హార్ రాథోడ్ తెలిపింది. ఆ నిర్మాత అలా అడగడంతో ఏం చెయ్యాలో కూడా తనకు అర్థం కాలేదని, మెల్లగా అక్కడి నుంచి జారుకున్నానని ఆమె చెప్పుకొచ్చింది. ఇది జరిగిన తర్వాత తాను ఎంతో మనోవేదనకు గురయ్యానని, సినీ ఇండస్ట్రీలో ఇలాంటి కామాంధులు ఇంకా చాలామందే ఉన్నారంటూ షాకింగ్ కామెంట్స్ చేసింది మల్హార్ రాథోడ్. కుటుంబ పోషణలో తన సంపాదనే కీలకం అని చెప్పిన ఆమె.. ఇలా అవకాశాల కోసం నిర్మాతల పక్కలెక్కే టైపు కాదని తెలిపింది. అవకాశం వస్తుంది కదా అని ఏ రోజూ ఇలాంటి పనులు చేయలేదని అంటూ.. ఈ ఫీల్డ్ కాకపోతే మరో ఫీల్డ్ అయినా ఎంచుకొని కెరీర్ కొనసాగిస్తానని చెప్పింది. Also Read:
from Telugu Movie News | Movie News in Telugu | Movie Gossips in Telugu https://ift.tt/3bwTdrg
v
No comments:
Post a Comment