కథా రచయిత చిన్నికృష్ణ సుపరిచితమే. ‘నరసింహనాయుడు’, ‘ఇంద్ర’ వంటి బ్లాక్ బస్టర్ సినిమాలకు ఆయన కథలు అందించారు. ‘గంగోత్రి’, ‘బద్రీనాథ్’, ‘జీనియస్’ చిత్రాలకు కూడా కథలు రాశారు. ఈ మధ్య కాలంలో ఆయన ఏ సినిమాలకు కథలు అందించలేదు. అయితే, నిర్మాతగా మారారు. చిన్నికృష్ణ స్టూడియోస్ బ్యానర్ని స్థాపించారు. తొలి ప్రయత్నంగా ‘కింగ్ఫిషర్’ అనే చిత్రాన్ని నిర్మిస్తున్నారు. మీడియాకు దూరంగా ఉండే చిన్నికృష్ణ తాజాగా ఒక వీడియో ద్వారా వార్తాల్లో నిలిచారు. ఆ వీడియో కారణంగా ఆయన్ని సోషల్ మీడియాలో విపరీతంగా ట్రోల్ చేస్తున్నారు. ప్రముఖ జర్నలిస్ట్ అర్నాబ్ గోస్వామిపై దాడి జరిగిన సంగతి తెలిసిందే. కాంగ్రెస్ అధ్యక్షురాలు సోనియా గాంధీపై అర్నాబ్ అనుచిత వ్యాఖ్యలు చేశారనే కారణంతో ఇద్దరు యూత్ కాంగ్రెస్ కార్యకర్తలు ఆయనపై దాడి చేశారనేది ఆరోపణ. ముంబైలో తన భార్యతో కలిసి కారులో వెళ్తుండగా బైక్పై వచ్చిన ఇద్దరు వ్యక్తులు కారుపై నల్ల సిరా చల్లడంతో పాటు అరుస్తూ బెదిరించారని అర్నాబ్ పోలీసులకు ఫిర్యాదు చేశారు. ఈ దాడిని దేశ వ్యాప్తంగా చాలా మంది ఖండించారు. వీరిలో చిన్నికృష్ణ కూడా ఉన్నారు. Also Read: అర్నాబ్ గోస్వామి మాదిరిగా కోటు వేసుకుని, చేతిలో పెన్ను పట్టుకుని దాడిని ఖండిస్తూ వీడియోలో మాట్లాడారు చిన్నికృష్ణ.. అది కూడా ఇంగ్లిష్లో. అర్నాబ్ను ఆకాశానికి ఎత్తేస్తూ దాడిని ఖండిస్తూ చిన్నికృష్ణ చేసిన ఈ సీరియస్ వీడియో ఇప్పుడు కామెడీ అయిపోయింది. చిన్నికృష్ణ వీడియోను సోషల్ మీడియాలో ఎవరు షేర్ చేసినా కింద కామెంట్లతో ఆడేసుకుంటున్నారు. ఆయన ఇంగ్లిష్ను కూడా ఎగతాళి చేస్తున్నారు. ఇదిలా ఉంటే, సోనియా గాంధీపై అనుచిత వ్యాఖ్యలు చేశారనే ఆరోపణతో కాంగ్రెస్ నేతలు దేశవ్యాప్తంగా అర్నాబ్ గోస్వామిపై కేసులు పెడుతున్నారు. పాల్ఘర్ హత్యలపై టీవీ ఛానెల్లో పెట్టిన చర్చలో వ్యాఖ్యాతగా వ్యవహరించిన అర్నాబ్.. ఈ ఘటనపై సోనియా గాంధీ సైలెంట్గా ఉండటాన్ని ప్రశ్నించారు. అనుచిత వ్యాఖ్యలు చేశారు. ఈ వ్యాఖ్యలు కాంగ్రెస్ నేతలకు ఆగ్రహం తెప్పించాయి. దీంతో ఆయనపై కేసులు పెడుతున్నారు. ఇప్పటికే 16 కేసులు వరకు నమోదయ్యాయి. అయితే, తనపై పోలీసులు ఎలాంటి చర్యలు తీసుకోకుండా ఉండటానికి ఆయన సుప్రీం కోర్టును ఆశ్రయించారు.
from Telugu Movie News | Movie News in Telugu | Movie Gossips in Telugu https://ift.tt/3bB24Z0
v
No comments:
Post a Comment