దటీజ్ ‘వకీల్ సాబ్’.. ఫస్ట్‌ లుక్‌తోనే ఆల్ ఇండియా రికార్డ్

సినిమాల్లో పవర్ స్టార్ పవన్ కళ్యాణ్ స్టామినా గురించి ప్రత్యేకంగా చెప్పాల్సిన అవసరంలేదు. ఆయన ట్రెండ్ ఫాలో అవ్వరు.. సెట్ చేస్తారు. కాస్త గ్యాప్ వచ్చినా ట్రెండ్ సెట్ చేయడంలో మాత్రం అస్సలు గ్యాప్ రాలేదు. అందుకే ‘వకీల్ సాబ్’తో రికార్డుల దుమ్ము దులపడం మొదలుపెట్టారు. పవన్ కళ్యాణ్ ప్రధాన పాత్రలో నటిస్తోన్న హిందీ చిత్రం ‘పింక్’ రీమేక్ ఫస్ట్ లుక్ పోస్టర్ నిన్న (మార్చి 2న) విడుదలైన సంగతి తెలిసిందే. సినిమా టైటిల్‌‌తో పాటు పవన్ కళ్యాణ్ ఫస్ట్ లుక్‌ను ఈ పోస్టర్‌లో చూపించేశారు. మినీ వ్యాన్‌పై కుర్చీలో కూర్చొని.. కాళ్లు చాపుకుని.. కళ్లకు కూలింగ్ గ్లాసెస్ పెట్టుకుని.. పుస్తకం చదువుతున్నట్టు ఉన్న ఈ ఫస్ట్ లుక్ సోషల్ మీడియాలో సెన్సేషన్ క్రియేట్ చేసింది. ట్విట్టర్‌లో అయితే వరల్డ్ వైడ్ ట్రెండింగ్‌లో నిలిచింది. అంతేకాదు ట్వీట్ల సంఖ్యలో ఆల్ ఇండియా రికార్డును సొంతం చేసుకుంది. ‘వకీల్ సాబ్’ ఫస్ట్‌లుక్‌ విడుదలైన 24 గంటల్లోనే టైటిల్ ట్యాగ్‌తో 3.5 మిలియన్ ట్వీట్లు చేశారు. ఇండియన్ ట్విట్టర్ చరిత్రలో ఒక టైటిల్ ట్యాగ్‌తో 24 గంటల్లో ఇన్ని ట్వీట్లు చేయడం ఇదే తొలిసారి. వాస్తవానికి ట్విట్టర్‌లో పవన్ కళ్యాణ్‌కు 3.8 మిలియన్ ఫాలోవర్లు ఉన్నారు. అంటే, ఇంచుమించుగా ప్రతి ఒక్కరూ ఫస్ట్‌లుక్‌ను ట్వీట్ చేశారన్నమాట. ఇక తెలుగు ఫిల్మ్‌ ఇండస్ట్రీలో మోస్ట్ రీట్వీటెడ్ ఫస్ట్ లుక్ పోస్టర్‌గా కూడా ‘వకీల్ సాబ్’ రికార్డు నమోదు చేశారు. చిత్ర నిర్మాణ సంస్థ శ్రీ వెంకటేశ్వర క్రియేషన్స్ ట్వీట్ చేసిన ఫస్ట్‌లుక్ ట్వీట్‌ను 25.3 వేల మంది రీట్వీట్ చేశారు. ఒక్క ఫస్ట్‌లుక్‌కే ఈ స్థాయిలో స్పందన వస్తే.. ఇక టీజర్, ట్రైలర్ వచ్చినప్పుడు రికార్డులన్నీ తుడిచిపెట్టుకుపోవడం ఖాయం. కాగా, ఈ సినిమాను బోనీ కపూర్ సమర్పణలో బేవ్యూ ప్రాజెక్ట్స్‌తో కలిసి శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మిస్తున్నారు. తమన్ సంగీతం సమకూరుస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2uPJrQN
v