‘జిల్’ చిత్రం ద్వారా దర్శకుడిగా పరిచయమైన కె.కె. రాధాకృష్ణ కుమార్ దర్శకత్వంలో ప్రస్తుతం ప్రభాస్ సినిమా చేస్తోన్న విషయం తెలిసిందే. ఇది ప్రభాస్కు 20వ సినిమా. ‘జాన్’ అనే టైటిల్ పరిశీలనలో ఉన్నట్టు ఇప్పటికే వార్తలు వచ్చాయి. అయితే, ‘ఓ డియర్’ అనే టైటిల్ను కూడా పరిశీలిస్తున్నట్టు సమాచారం. ఈ సినిమాలో ప్రభాస్కు జోడీగా పూజా హెగ్డే నటిస్తోంది. ఇదిలా ఉంటే, ఈ చిత్ర యూనిట్ తాజాగా జార్జియా షెడ్యూల్ను పూర్తిచేసుకుని హైదరాబాద్కు వచ్చింది. ఈ విషయాన్ని చిత్ర దర్శకుడు ఇప్పటికే ట్విట్టర్ ద్వారా వెల్లడించారు. జార్జియన్ టీమ్ సహకారంతో త్వరితగతిన షెడ్యూల్ పూర్తిచేసుకున్నామని రాధాకృష్ణ స్పష్టం చేశారు. అయితే, చిత్ర యూనిట్ అనుకున్న తేదీ కన్నా ముందే హైదరాబాద్కు రావడంతో ఊహాగానాలు మొదలయ్యాయి. జార్జియాలో ఈ సినిమా షెడ్యూల్ పూర్తికాలేదని.. అక్కడి ప్రభుత్వం షూటింగ్ను నిలిపివేయాలని ఆదేశాలు జారీ చేయడంతో మధ్యలోనే వచ్చేశారని రూమర్ ఒకటి చక్కర్లు కొట్టింది. దీంతో ప్రభాస్ అభిమానులు కాస్త నిరుత్సాహానికి గురయ్యారు. యూరప్ సరిహద్దు దేశాల్లో ప్రస్తుతం కరోనా వైరస్ వేగంగా వ్యాపిస్తోంది. దీంతో ఆయా దేశాలు ఇతర దేశాల నుంచి ప్రయాణికుపై ఆంక్షలు విధిస్తున్నాయి. విదేశీయులు తమ దేశంలోకి అడుగుపెట్టకుండా ఆపుతున్నాయి. కాబట్టి ఇలాంటి పరిస్థితుల్లోనే ప్రభాస్ సినిమా టీమ్ను వెనక్కి పంపేశారని వదంతులు వచ్చాయి. Also Read: అయితే, ఈ రూమర్లపై దర్శకుడు రాధాకృష్ణ తాజాగా స్పందించారు. వీటిలో నిజం లేదని స్పష్టం చేశారు. జార్జియాలో తమ సినిమా షూటింగ్ ఆగిపోలేదని చెప్పారు. ప్రణాళిక ప్రకారం షెడ్యూల్ను పూర్తిచేసుకునే వచ్చామన్నారు. కోవిడ్ 19 ముప్పు ఉన్నా అన్ని జాగ్రత్తలు తీసుకొని షూటింగ్ను విజయవంతంగా పూర్తిచేశామని వెల్లడించారు. ‘జార్జియా షెడ్యూల్ను ఎవరూ ఆపలేదు. అనుకున్న దానికంటే రెండు రోజుల ముందు షూటింగ్ పూర్తయింది. కరోనా వైరస్ పట్ల అన్ని జాగ్రత్తలు తీసుకునే షూటింగ్లో పాల్గొన్నాం’ అని చెప్పారు. కాగా, చిత్ర యూనిట్ ఇండియాకు చేరుకున్న తర్వాత అధికారులు వారికి వైద్య పరీక్షలు నిర్వహించినట్లు సమాచారం.
from Telugu Movie News | Movie News in Telugu | Movie Gossips in Telugu https://ift.tt/2U3aDWg
v
No comments:
Post a Comment