ఇండస్ట్రీలో ఉండాలంటే కావాల్సింది బ్యాగ్రౌండ్ కాదు.. సినిమాలో కంటెంట్.. ఆ కంటెంట్ ఉన్నోడే ఫిల్మ్ నగర్లో ఉండగలుగుతాడు.. తానూ ‘సవారి’ చిత్రంతో ఫిల్మ్ నగర్లో సెటిల్ కాబోతున్నా అన్నారు హీరో నందు. ఆయన నటించిన చిత్రం ఫిబ్రవరి 7న ప్రేక్షకుల ముందుకు రానుంది. ఈ మూవీ ప్రమోషన్స్లో భాగంగా సోమవారం నాడు హైదరాబాద్లో ప్రీ రిలీజ్ ఈవెంట్ను నిర్వహించారు. ఈ ఈవెంట్కు యువ హీరోలు విశ్వక్ సేన్, కార్తికేయలు హాజరుకాగా.. కాస్త ఆవేశంగా మాట్లాడారు. ఆయన మాట్లాడుతూ.. హీరో కార్తికేయ, విశ్వక్ సేన్, నేను ముగ్గురం దిల్సుఖ్నగర్ నుండి వచ్చిన వాళ్లమే. మా ముగ్గురిలో మరో కామన్ పాయింట్ ఏంటంటే.. ముగ్గురికీ బ్యాగ్రౌండ్ లేదు. ఫిల్మ్ నగర్లో సెటిల్ అవ్వడానికి కావాల్సింది బ్యాగ్రౌండ్ కాదు.. కంటెంట్. ఈ ఇద్దరికీ (కార్తికేయ, విశ్వక్ సేన్) కంటెంట్ ఉంది కాబట్టే హీరోలు అయ్యారు. ఇప్పుడు ఈ ఇద్దరూ కలిసి బ్యాగ్రౌండ్ లేని మరో హీరోని ముందుకు తీసుకువస్తున్నారు. నేను ఫిల్మ్నగర్కి వచ్చేస్తున్నా. సవారితో నా ఫిల్మ్ నగర్కి నా సవారీ మొదలైంది. డిజర్వింగ్ యాక్టర్పైకి రావాలంటే మంచి స్క్రిప్ట్ కావాలి. ఆ స్క్రిప్ట్ ఇన్నాళ్లుకు నా దగ్గరకు వచ్చింది. దర్శకుడు సాహిత్ అద్భుతమైన స్క్రిప్ట్ రాశారు. పక్కాగా చెప్తున్నా.. ఫిబ్రవరి 7 న మా ‘సవారి’ సినిమా విడుదలౌతోంది. చాలా ఏళ్లుగా నేను ఒక టర్నింగ్ పాయింట్ కోసం ఎదురుచూస్తున్నా. ఇండస్ట్రీలో ప్రతి ఒక్కరూ చెప్తూనే ఉన్నారు.. ‘నందు నువ్ మంచి యాక్టర్వి రా.. నీకు ఛాన్స్ రావాలి అని.. ఛాన్స్ రావాలంటే మీరు ఇస్తేనే కదరా నాకు వస్తుంది’ అని నేను ఫీల్ అవుతూనే ఉన్నా. కాని చివరికి నాకు ఛాన్స్ ఇవ్వడానికి ఇండస్ట్రీ నుండి ఒకడు ముందుకు వచ్చాడు అతనే ఈ చిత్ర దర్శక, నిర్మాత సాహిత్. నాకు సాహిత్ దేవుడి లెక్క. నేను ఇప్పుడు చెప్తున్నా.. ఈ సినిమా పక్కాగా హిట్ అవుతుంది. ఈ సినిమా విషయంలో రెండో థాట్ లేదు.. పక్కాగా బ్లాక్ బస్టర్ హిట్ కొడుతున్నాం. తక్కువ నిడివితో షార్ప్గా ఉన్న ఈ సినిమాని చూసి అందరూ మెచ్చుకున్నారు. ఈ సినిమా ట్రైలర్ చూసి చాలా మంది విషెష్ అందించారు. మెగా హీరోలు వరుణ్ తేజ్, సాయి తేజ్.. అక్కినేని హీరో నాగచైతన్య, మంచు మనోజ్, దర్శకుడు సుకుమార్, సురేందర్ రెడ్డి ఇలా చాలా మంది నన్ను మెచ్చుకున్నారు. ఇండస్ట్రీ నుండి నా మంచి సపోర్ట్ లభించింది. కంటెంట్ బాగుంటే ఇండస్ట్రీ తప్పకుండా సపోర్ట్ చేస్తుందని ఈ చిత్రం ద్వారా తెలిసింది. ఫిబ్రవరి 7న మేం బ్లాక్ బస్టర్ మూవీతో థియేటర్స్కి వస్తున్నాం. నాకు రాబోతున్న తొలి సక్సెస్లో ‘సవారి’ టీం అంతా ఉన్నారు. కన్ఫార్మ్గా చెప్తున్నా.. ఫిబ్రవరి 7న ఈ సినిమా బ్లాక్ బస్టర్ హిట్ టాక్ వచ్చిన తరువాత సక్సెస్ మీట్లో మిగతా విషయాలు మాట్లాడతా’ అంటూ చిత్ర విజయంపై ధీమా వ్యక్తం చేస్తూ స్పీచ్ ఇచ్చారు హీరో నందు.
from Telugu Movie News | Movie News in Telugu | Movie Gossips in Telugu https://ift.tt/3b7txS9
v
No comments:
Post a Comment