మెగా పవర్ స్టార్ రామ్ చరణ్ ప్రస్తుతం మూవీతో చాలా బిజీగా ఉన్నారు. యంగ్ టైగర్ ఎన్టీఆర్తో కలిసి చరణ్ నటిస్తోన్న ఈ క్రేజీ ప్రాజెక్ట్ వచ్చే ఏడాది జనవరి 8న విడుదలకు సిద్ధమవుతోంది. ఈ చిత్రానికి ఎస్.ఎస్.రాజమౌళి దర్శకత్వం వహిస్తుండటంతో అందరి కళ్లు ఈ సినిమాపైనే ఉన్నాయి. పాన్ ఇండియా మూవీగా తెరకెక్కుతోన్న ఈ సినిమాపై భారీ అంచనాలున్నాయి. దీనికి తోడు రామ్ చరణ్, ఎన్టీఆర్ తొలిసారి కలిసి నటిస్తుండటంతో ఇటు మెగా అభిమానులతో పాటు అటు నందమూరి అభిమానుల్లో తీవ్ర ఉత్కంఠ నెలకొంది. సాధారణంగా రాజమౌళి సినిమా చేసేటప్పుడు హీరోలు మరో చిత్రం గురించి ఆలోచించరు. రాజమౌళి ప్రాజెక్టుకే అంకితమైపోతారు. ‘బాహుబలి’ సినిమా సమయంలో ప్రభాస్ ఇదే చేశారు. ఏకంగా ఐదేళ్లు రాజమౌళికి ప్రభాస్ సరెండర్ అయిపోయారు. ఇప్పుడు చరణ్, తారక్ పరిస్థితి కూడా అంతే. కాకపోతే వీళ్లు రెండేళ్లు మాత్రమే రాజమౌళి వద్ద బంధీలు అవుతున్నారు. అయితే, రాజమౌళి సినిమా తరవాత చేయబోయే ప్రాజెక్టులను వీరిద్దరూ ఇప్పుడు ఖరారు చేసుకుంటున్నారు. ఇప్పటికే ఎన్టీఆర్.. త్రివిక్రమ్తో సినిమాను ప్రకటించేశారు. RRR తరవాత ఆయన ఈ సినిమాతో బిజీ అయిపోతారు. Also Read: అయితే, ఇప్పుడు రామ్ చరణ్ వంతు వచ్చింది. ఆయన ఇంకా అధికారికంగా ఏ సినిమాను ప్రకటించకపోయినప్పటికీ ఇండస్ట్రీలో అయితే ఒక టాక్ వినిపిస్తోంది. నానితో ‘గ్యాంగ్ లీడర్’ సినిమాను తెరెక్కించిన విక్రమ్ కె కుమార్తో రామ్ చరణ్ తన తరవాత సినిమా చేయబోతున్నారట. విక్రమ్ ఇప్పటికే చరణ్కు కథ చెప్పారని, అది ఆయనకు చాలా బాగా నచ్చేసి ఓకే చెప్పేశారని ఇండస్ట్రీ వర్గాల ద్వారా తెలిసిన విషయం. మరి దీనిలో నిజమెంతో తెలియాల్సి ఉంది. ఇది కాకుండా కొరటాల శివ దర్శకత్వంలో తెరకెక్కుతోన్న చిరంజీవి 152వ సినిమాలో కూడా చరణ్ ఒక ముఖ్య పాత్రలో నటించనున్నట్టు సమాచారం. Also Read: కాగా, దర్శకుడు విక్రమ్ కె కుమార్ ఎంపిక చేసుకునే స్క్రిప్ట్లు చాలా వైవిధ్యంగా ఉంటాయి. ఆయన ఇప్పటి వరకు దర్శకత్వం వహించిన సినిమాలను చూసుకుంటే ఆ విషయం అర్థమవుతుంది. తెలుగులో ‘ఇష్క్’ సినిమాతో మంచి గుర్తింపు తెచ్చుకున్న విక్రమ్ కె కుమార్.. ఆ తరవాత ‘మనం’, ‘24’, ‘హలో’, ‘గ్యాంగ్ లీడర్’ సినిమాలను ప్రేక్షకులకు అందించారు. వీటిలో ‘మనం’ మంచి విజయాన్ని అందుకుంది. అలాగే, ‘24’ వైవిధ్యమైన చిత్రంగా విమర్శకుల ప్రశంసలు అందుకుంది. అయితే, కిందటేడాది వచ్చిన ‘గ్యాంగ్ లీడర్’ ప్రేక్షకులను పెద్దగా ఆకట్టుకోలేకపోయింది.
from Telugu Movie News | Movie News in Telugu | Movie Gossips in Telugu https://ift.tt/2Pmke7G
v
No comments:
Post a Comment