మరోమారు పవర్ స్టార్ పవన్ కళ్యాణ్పై ఉన్న భక్తిని చాటుకున్నారు హీరోయిన్, బీజేపీ నాయకురాలు మాధవీలత. ఇటీవల బీజేపీతో దోస్తీ కట్టడంతో ఫుల్ ఖుషీలో ఉంది మాధవీలత. గతంలో పవన్ కళ్యాణ్ జనసేన పార్టీలో యాక్టివ్ మెంబర్గా బైక్ ర్యాలీలు నిర్వహించిన మాధవీలత.. పవన్ నుండి సానుకూలమైన స్పందనలు రాకపోవడంతో ఎన్నికల ముందు కాషాయం కండువా కప్పుకుని గుంటూరు ఎమ్మెల్యే టికెట్ను సంపాదించింది. ఆమె గెలవలేదనుకోండి అది వేరే విషయం.. ఇకపోతే ఇటీవల పవన్ కళ్యాణ్ బీజేపీతో పొత్తు పెట్టుకోవడంతో ఆనందానికి అవధులు లేదు. మీరు వస్తారని నాకు ముందే తెలుసు పవన్ కళ్యాణ్ గారూ.. ఐ లవ్డ్ ఇట్ అంటూ స్వాగతం పలికిన మాధవీలత.. సోషల్ మీడియా మరో రెండు పోస్ట్లు పెట్టింది మాధవీలత. పవన్ కళ్యాణ్కి బుద్ధి లేదు.. పవన్ కళ్యాణ్కి జ్ఞానం లేదు.. పవన్కి ఆవేశం ఎక్కువ.. పవన్ కళ్యాణ్ వేస్ట్.. వాడు, వీడు అని మొన్న దాకా మాట్లాడిన మా పార్టీలో (బీజేపీ) ఉన్న కొంతమంది మహానుభావులు ఇవాళ ఆంధ్రలో మళ్ళీ పవన్ కళ్యాణ్ వెనకే తిరుగుతున్నారు. హ హ అది పవన్ కళ్యాణ్ అంటే.. మా సినిమా వాళ్లంటే అంతే వాళ్లకున్న చార్మ్ వాళ్లకున్న విలువని ఎవరూ మార్చలేరు. ఎవరైనా వెనక నడవాల్సిందే.. ఆంధ్రా రాజకీయాలు వదిలేయాలి అనుకున్న కొంతమంది కూడా ఇంకా అక్కడే ఉండాలనే నిర్ణయాలు కూడా తీసుకున్నారు. కేవలం పవన్ కళ్యాణ్ పార్టీతో కలిసి పని చేస్తా అన్నందుకే ఏందో ఈ రాజకీయాలు.. నాకైతే అర్ధం కాదు. మాట తప్పడం.. అవినీతిగా ఉండటం నేర్చుకున్నా రావేమో మాకు. రాజకీయాల్లో ఎప్పుడూ తిరిగేవాళ్లు మాట మీద నిలపడరు. అది ప్రజల విషయంలో అలానే పర్సనల్ విషయాల్లో కూడా మాట తప్పడం బాగా నేర్చుకుంటారు. అలాంటి వాళ్లంటే నాకు అసహ్యం. ఈ మధ్యనే చూస్తున్నా అలాంటి వాళ్ళని. వాళ్ళకి మాట తప్పడం అంటే వెన్నతో పెట్టిన విద్య అనుకుంటా. ఒట్టు అంటూ హామీలిచ్చి ఈ తారీఖులోపు చూడండి అని అంటారు. కానీ ఏమి జరగదు.. ఏమి చేయరు.. వాళ్ళ పని వాళ్ళు చేసుకుంటూ ఉండిపోతారు. మాట తప్పారు అని అంటే కోపంతో రగిలిపోతారు. పనికిమాలిన కారణాలు చెప్తారు.. చేయడం చేతకానపుడు మాటలతో ఎందుకు మోసం చేయడం ఛీ ఛీ.. నేను పొలిటిషన్ కాదు.. కాలేను. నేను లీడర్ అంతే’ అంటూ చెప్పుకొచ్చారు మాధవీలత.
from Telugu Movie News | Movie News in Telugu | Movie Gossips in Telugu https://ift.tt/399U13Q
v
No comments:
Post a Comment