సినీ పరిశ్రమలోనే అత్యున్నత అవార్డ్ అయిన ఆస్కార్ అవార్డుల ప్రదానోత్సవ వేడుక మొదలైపోయింది. అమెరికాలోని కాలిఫోర్నియాలో ఉన్న డాల్బై థియేటర్లో ఈ వేడుకను నిర్వహించారు. గత రెండేళ్లుగా ఆస్కార్ వేడుకను హోస్ట్ లేకుండా నామినేషన్స్, విన్నర్స్ ఎనౌన్స్మెంట్స్తో నిర్వహిస్తున్నారు. ఈసారి కూడా అలాగే నిర్వహించారు. ఈసారి ఈ ప్రతిష్ఠాత్మక అవార్డ్ ఎవరెవరికి దక్కిందో చూద్దాం. బెస్ట్ యాక్టర్ అవార్డు ప్రముఖ హాలీవుడ్ నటుడు జోక్విన్ ఫినిక్స్కు దక్కింది. 2019లో వచ్చిన ‘జోకర్’ సినిమాలో జోక్విన్ అద్భుతమైన నటన కనబరిచారు. సినిమా కూడా ప్రపంచవ్యాప్తంగా బ్లాక్ బస్టర్ విజయం అందుకుంది. ఇకపోతే ఆస్కార్స్లో బాగా హైలైట్ అయిన సినిమా పారసైట్. ఈ సౌత్ కొరియన్ సినిమాకు ఏకంగా నాలుగు ఆస్కార్ అవార్డులు వచ్చాయి. ఉత్తమ చిత్రం, ఉత్తమ దర్శకత్వం, ఉత్తమ ఇంటర్నేషనల్ ఫీచర్ ఫిలిం, బెస్ట్ ఒరిజినల్ స్క్రీన్ప్లే సెక్షన్స్లో అవార్డులు దక్కించుకుంది. ఇప్పటివరకు ఏ ఫారిన్ సినిమాకు కూడా ఇన్ని రాలేదు. మరో విషయం ఏంటంటే.. ఈసారి ఆస్కార్స్లో ఏ దర్శకురాలి పేరు కానీ ఫీమేల్ డైరెక్టర్స్ తెరకెక్కించిన సినిమాలు కానీ నామినేట్ అవ్వలేదు. దాంతో హాలీవుడ్ నటి నటాలీ పోర్ట్మ్యాన్ ఫీమేల్ డైరెక్టర్స్కు మద్దతు తెలుపుతూ ఓ వెరైటీ గౌనులో ఆస్కార్స్ రెడ్ కార్పెట్పై సందడి చేశారు. ఆస్కార్ విన్నర్స్ వీరే.. ఉత్తమ చిత్రం- పారసైట్ ఉత్తమ నటుడు- జోక్విన్ ఫినిక్స్ (జోకర్) ఉత్తమ నటి- రెనే జెల్వెగర్ (జూడీ) ఉత్తమ దర్శకుడు- బాంగ్ జూన్ హో (పారసైట్) ఉత్తమ ఇంటర్నేషనల్ ఫీచర్ ఫిల్మ్- పారసైట్ (సౌత్ కొరియా) ఉత్తమ సహాయ నటి- లౌరా డెర్న్ (మ్యారేజ్ స్టోరీ) ఉత్తమ సహాయ నటుడు- బ్రాడ్ పిట్ (వన్స్ అపాన్ ఎ టైమ్ ఇన్ హాలీవుడ్)
from Telugu Movie News | Movie News in Telugu | Movie Gossips in Telugu https://ift.tt/37bWeKv
v
No comments:
Post a Comment