ఆస్కార్ అవార్డ్ విన్నర్ ఏ.ఆర్ రెహమాన్ పాటలు ఇప్పుడే కాదు మరో వందేళ్ల వరకు కూడా ఎవర్గ్రీన్గా ఉంటాయని చెప్పొచ్చు. ఆయన సంగీతంలో ఉన్న మాధుర్యం అలాంటిది. రెహమాన్ పాటలు విన్న ప్రతీసారీ మనసు తేలికపడుతుంటుంది. అయితే, ఆయన కష్టపడి కంపోజ్ చేసిన పాటలను రీమిక్స్ పేరుతో నాశనం చేసారని ఆవేదన వ్యక్తం చేస్తున్నారు రెహమాన్. స్టార్ మ్యూజిక్ డైరెక్టర్, సింగర్ అయివుండి కూడా రెహమాన్ ఎక్కువగా మీడియా ముందుకు రారు. కానీ తన పాటలను రీమిక్స్లుగా మార్చి నాశనం చేస్తున్నారంటూ తొలిసారి మీడియా ముందుకు వచ్చి ఆగ్రహ వ్యక్తం చేసారు. ‘‘నేను కంపోజ్ చేసిన చాలా పాటలను రీమిక్స్లుగా మార్చారు. ఒరిజినల్ పాటను కూనీ చేసేసారు. ఇప్పటివరకు వచ్చిన రీమిక్స్లలో నాకు నచ్చిన పాట ‘హమ్మ హమ్మ’ సాంగ్. మిగతావన్నీ రోత పుట్టించేలా ఉన్నాయి. ఒరిజినల్ పాటలను ఇష్టపడేవారు ఇంకా ఉన్నందుకు నేను సంతోషిస్తున్నాను. నేను ఇతర పనులతో బిజీగా ఉన్నాను. అందుకే హిందీ సినిమా ఇండస్ట్రీకి కొంతకాలంగా దూరంగా ఉన్నాను. నేను స్టూడియో నిర్మిస్తున్నాను. అందులోనే నా పిల్లలకు సంగీతం నేర్పిస్తాను’’ అని తెలిపారు. ప్రస్తుతం బాలీవుడ్ దర్శకుడు ఆనంద్ ఎల్ రాయ్ తెరకెక్కిస్తున్న సినిమాకు సంగీతం అందిస్తున్నారు రెహమాన్. READ ALSO: రీమిక్స్ వెర్షన్స్ గురించి రెహమాన్ మాత్రమే కాదు ఎందరో మ్యూజిక్ డైరెక్టర్స్ ఆగ్రహం వ్యక్తం చేసారు. పాటలు కంపోజ్ చేయడం రాకపోతే మానుకోవాలి కానీ ఒరిజినల్ సాంగ్స్ని రీమిక్స్ చేసి వాటి విలువను పోగొట్టకూడదని చాలా మంది తమ అభిప్రాయాలను వ్యక్తం చేసారు. ఇటీవల ‘బాఘి 3’ అనే సినిమా నుంచి ‘దస్ బహానే’ అనే పాట ఒకటి రిలీజ్ అయింది. 15 ఏళ్ల క్రితం ‘దస్’ అనే సినిమాలోని పాట ఇది. ఈ పాటను ‘బాఘి 3’లో రీమిక్స్ చేసారు. రీమిక్స్ చేస్తే చేసారు కానీ పాట అర్థాన్నే మార్చేసారని మ్యూజిక్ డైరెక్టర్స్ విశాల్, శేఖర్ ఆగ్రహం వ్యక్తం చేసారు. తమ పాటను ఇంతగా కూనీ చేస్తారని అనుకోలేదని మండిపడ్డారు.
from Telugu Movie News | Movie News in Telugu | Movie Gossips in Telugu https://ift.tt/2Hx977I
v
No comments:
Post a Comment