సూపర్ స్టార్ మహేష్ బాబుతో స్టార్ ప్రొడ్యూసర్ అల్లు అరవింద్ సినిమా చేయబోతున్నారని ఎప్పటి నుంచో వినిపిస్తోన్న మాట. గీతా ఆర్ట్స్ అధినేత అయిన అల్లు అరవింద్ గతంలో డైరెక్టర్ పరశురాంను ఒక స్టోరీ నెరేట్ చేయడానికి మహేష్ బాబు దగ్గరకి పంపారు. అయితే, పరశురాం చెప్పిన కథ మహేష్కు నచ్చలేదు. దీంతో మహేష్-అరవింద్ కాంబినేషన్ అక్కడే ఆగిపోయిందట. అప్పటి నుంచి మహేష్ కోసం అల్లు అరవింద్ ఒక మంచి స్క్రిప్ట్ కోసం అన్వేషణ చేస్తూనే ఉన్నారని సమాచారం. ఇదిలా ఉంటే, ‘కేజీఎఫ్’ డైరెక్టర్ ప్రశాంత్ నీల్.. మహేష్ బాబు వద్దకు ఒక కథను తీసుకెళ్లారట. మహేష్కు డైరెక్ట్గా ఆ స్క్రిప్ట్ నెరేట్ చేశారని టాక్. ప్రశాంత్ చెప్పిన స్క్రిప్ట్ మహేష్కు కూడా బాగా నచ్చిందట. ఇప్పుడు ఆ స్క్రిప్ట్ పట్టుకుని అల్లు అరవింద్ను కలవాలని ప్రశాంత్కు మహేష్ సూచించారని, అరవింద్కు ప్రశాంత్ స్టోరీ నెరేట్ చేయనున్నారని ఇండస్ట్రీలో వినిపిస్తోన్న టాక్. ఈ కథ అల్లు అరవింద్కు కూడా నచ్చితే త్వరలోనే ప్రాజెక్ట్ పట్టాలెక్కుతుందని అంటున్నారు. Also Read: కాబట్టి, సంక్రాంతి సందర్భంగా బాక్సాఫీసు వద్ద ‘అల వైకుంఠపురములో’, ‘సరిలేరు నీకెవ్వరు’ సినిమాల మధ్య క్లాష్ రావడం వల్ల మహేష్, అరవింద్ మధ్య స్నేహం చెడిందని వచ్చిన వార్తల్లో నిజం లేదు. ‘సరిలేరు నీకెవ్వరు’ సినిమా ప్రీ రిలీజ్ ఈవెంట్కు మెగాస్టార్ చిరంజీవి చీఫ్ గెస్ట్గా వచ్చినప్పుడు అల్లు అరవింద్తో మహేష్ బాబు సినిమా చేయబోతున్నారు అనే వార్తల్లో పెద్దగా ఆశ్చర్యం ఏముంటుంది. మరి, మహేష్ మెచ్చిన ‘కేజీఎఫ్’ డైరెక్టర్ కథ అల్లు అరవింద్కు నచ్చుతుందో లేదో చూడాలి. ఒకవేళ ఈ కథ అల్లు అరవింద్కు నచ్చకపోతే ఇదే సినిమాను మహేష్ మరో నిర్మాతతో చేస్తారా? లేదంటే అరవింద్కు నచ్చే కథ దొరికేంత వరకు ఆగుతారా? అనేది ఇప్పుడు ఆసక్తికరం. ఒకవేళ గీతా ఆర్ట్స్ బ్యానర్లో మహేష్ సినిమా పట్టాలెక్కితే గనుక ఆ క్రేజ్ మరో స్థాయిలో ఉంటుంది. రికార్డులు బద్దలవడం ఖాయం.
from Telugu Movie News | Movie News in Telugu | Movie Gossips in Telugu https://ift.tt/2vBPLvt
v
No comments:
Post a Comment